Gabinete Espeksaun Jeral Halao Enkontru Konsellu Superior

Sekretariu Konsellu Superior PNTL, Superintendente Xefe, Carlos Geronimo. (Foto: STL/Claudios de Jesus)

DILI, STLNEWS.co – Polisia Nasional Timor Leste (PNTL), liu husi Gabinete Espeksaun Jeral, halo enkontru Konsellu Superior, hodi kolia kona ba membru polisia neebe komete kazu disiplinar.

Sekretariu Konsellu Superior PNTL, Superintendente Xefe, Carlos Geronimo, membru PNTL neebe komete kazu disiplinar ba iha kazu dimisaun, nee iha balu mai husi nivel postu sarjentus no ajentes.

“Enkontru nee ami haree liu deit ba iha kazu disiplinar liliu ba kazu lima (5), neebe husi kazu lima nee iha kazu haat (4) maka iha opiniaun husi komandante sira, ba dimisaun enkuantu kazu ida (1) maka komandante sira dehan sei estuda fila fali,” hateten nia ba jornalista sira, hafoi remata enkontru Konsellu Superior da tolu, iha Salaun Komandu Jeral, Dili, Sesta (25/09/2020).

Nia hatutan ho nunee husi espeksaun jeral hanesan konsellu nian sei hare fila fali ba kazu nee, ho nunee bele hasae fali proposta ba iha Komandante Jeral.

Proposta hirak nee sei lori ba iha Ministru maka sei diside. Carlos afirma entre kazu haat (4) nee iha kazu tolu (3), neebe maka falta servisu nian no kazu ida tan, kona ba roo iha Atabae nee sei haree fali, ida tan mak kona ba Unidade Polisia Fronteira (UPF) nia kazu, neebe maka fo apoiu ba ema balu halo trafisias Ilegais.

Nia hatutan, kazu hirak nee sei liu husi ida-idak nia komandante unidade sira hodi halo prosesu disiplinar hanesan babain, maibe sira haktuir kompetensia tuir lei.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here