INSS Halo Ona Pagamentu Da 5 Ba Benefisiariu 8.632

DILI, STLNEWS.co – Institutu Nasional Seguransa Sosial (INSS) halo ona pagamentu da-5 ba benefisiariu sira neebe mak ativa iha empreza, benefisiariu fakultativu, nomos despensa kontributivu sira nee hamutuk 8.632.

“Benefisiariu neebe mak hetan ona pagamentu, tantu traballador neebe mak ativa iha empreza nomos ba fakultativu, i traballador neebe mak hetan despensa kontributivu nee hamutuk US$ 8.632 mak hetan ona pagamentu ba sira nia konta,” lia hirak nee hato’o husi Prezidente Institutu Nasional Seguransa Sosial (INSS) Lounguinhos Armando ba STL iha nia knaar fatin Caicoli, Kinta nee (09/09/2021).

Nia dehan, INSS halo ona pagamentu ba faze da-5 ona, ikus liu halo pagamentu iha loron 12 fulan kotuk (Agostu).

Nia haktuir, total neebe mak seguransa sosial halo ona pagamentu mak hanesan, traballador neebe ativu iha empreza nee hamutuk 5.666 ho nia osan total três miloens cento quarenta seis mil, cento sessenta seis (US$ 3.146,166). Depois ba fultativu nee inklui mos motorista no kios kiik sira nee hotu hamutuk mil trezentos sessenta quatro ho osan nee duzentos cinquenta um mil, quinhentos e nove ($251.509,) nomos apoiu ba despensa kontributivu nian ba benefisiariu sira nee hamutuk mil seiscentos e dois (US$ 602), nee ho orsamentu hamutuk duzentos sessenta e quatro mil cento noventa cinco (US$ 264.195).

Nia akresenta, depois ajuda i apoiu ba empreza sira nee iha rua, ida eletrisidade nee hamutuk 203 empreza ho nia orsamentu hamutuk US$ 275.235, no apoiu ba renda no alugar sira nee ba empreza hamutuk 137, empreza ho nia osan nee US$ 136.633 neebe total  mak seguransa sosial selu ona ba traballador no empregador sira tantu liu husi subsidiu nee hamutuk US$ 473.640.

Tuir sira nia predisaun katak, to’o iha fulan Dezembru tinan nee, bele ezekuta ka gastus to’o vinte seis miloens, i setenta e cinco mil quinhentos cinquenta e um dolar.

Iha biban nee Diretor nee dehan, empreza neebe mak institutu nasional seguransa sosial seidauk halo pagamentu nee sei iha hela faze verifikasaun.

“Empreza sira neebe maka  institutu nasional seguransa sosial seidauk halo pagamentu nee tama iha faze verifikasaun, no ami verifika nee tuir ema neebe mak hatama uluk, ami labele verifika uluk dokumentus sira neebe mak hatama ikus nee lae,” katak nia.

Nia dehan, dokumentus neebe mak hatama iha INSS nee, iha dokumentus sira nee iha failansu ruma, sira  sempre kontaktu ho empreza ka traballador sira, tanba nee bainhira sira simu dokumentus sempre fo hanoin katak, labele haluha numeru telefone, i numeru kontaktu refere labele muda durante prosesu verifikasaun. Hodi nunee para karik iha failansu ruma institutu bele kontaktu ba sira.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: