Juis La Marka Prezensa, Tribunal Adia Julgamentu Sem Data

DILI – Tribunal Distrital Dili (TDD) tenke adia fila fali krime sekuestru iha artigu 160 n 1, 2 al. a) husi kodigu penal Timor Leste tamba juis singular la marka prezensa no adia fila fali ba loron seluk sem data.

Deklarasaun nee fo sai husi advogadu privadu husi parte arguidu sira, Januario da Silva ba jornalista sira, iha TDD Mandarin, Sesta, (02/03/2017).

Tuir akuzasaun husi Ministeriu Publiku neebe mak Tribunal lee sai katak Iha audensia julgamentu nee tribunal lee sai akuzasaun husi MP katak Iha loron 28 fulan abril 2016 haleu tuku 11h:30, lezada han meudia iha restaurant Eastern Burger King, lokalizadu iha eis Banku ANZ, Bidau Lecidere, Dili.

Lakleur, arguidu sira tama ba restaurante laran no diretamente arguidu Keke ho Tika husu ba lezada katak, han tiha ona ka seidauk, no selu ona ka lae, nia responde katak seidauk, enatun ho forsa sira rasta lezada ba balkaun hodi selu.

Hafoin halo pagamentu ba almosu, arguidu Keke ho Tika, rasta lezada sai ba liur hodi hatama ba kareta laran ho marka Hi-Lux, kor mutin ho nia xapa matrikula, 28-489 TLS, no transporta lezada ba arguidu Tika nia inan aman nia uma iha Bekora-Dili.

Arguida Tika maka konduzia kareta nee, no ida seluk Maria Fransisca alias Iam, tur iha nia sorin karuk, entretantu arguidu nain tolu sira seluk tur iha banku kotuk hamutuk ho lezada Rosalina Mendes Pereira

Arguidu sira hatene katak atuasaun neebe sira halo hasoru lezada kontra lei no punidu tuir lei penal, maibe sira kontinua pratika nafatin hodi hasai liberdade pesoal lezada nian atu halo movimentu livre, halo agresaun fiziku antes no depois to iha uma, lori lezada ba sira nia uma rasik hodi la fo fatin ba lezada atu reziste ka husu ajuda ba autoridade polisial. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...