Kazu Obstrusaun Ba Autoridade Publika, ACTS Hetan TIR

DILI, STLNEWS.co – Tribunal Distrital Dili (TDD) liu husi desizaun prosesu primeiru interogatoriu ba kazu obstrusaun ba autoridade públika, aplika medida Termu Indentidade no Rezidensia (TIR) ba arguidu ho inisial ACTS.

Iha prosesu nee taka ba iha publiku, maibe husi parte Ministeriu Publiku nian, promove arguidu ba iha krime obstrusaun ba autoridade publika neebe previstu iha artigu 243 husi kodigu penal.

Iha despaixu ba prosesu nee, tribunal deside aplika medida aprezentasaun periodika ba arguidu, hodi asegura prosesu investigasaun husi Ministeriu Publiku.

Rona tiha despaixu husi tribunal, defeza husi arguidu nian mos aseita ho despaixu ba medida nee, tanba konsidera justu no adekuadu.

Parte defeza nian mos haree katak, tribunal aplika medida nee tanba la iha indisiu neebe forte, no medida nee mos asegura Ministeriu Publiku iha nia investigasaun.

Prosesu primeiru interogatoriu nee, prezide husi juiz titular Alvaro Maria Freitas, Ministeriu Publiku reprezenta husi Prokurador Luis Hernani Rangel, arguidu hetan asistensia legal husi Advogada Privadu.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...