Kazu Rai Kotu Inan Mate No Oan Kanek, Arguidu Tama Prizaun Tinan 23

DILI, STLNEWS.co – Tribunal Distrital Dili iha Kuarta (09/06/2021), iha desizaun ikus aplika pena unika tinan 23, ba arguidu LHL neebe lori tudik sona mate lezada nia inan, no nia oan feto ida kanek.

Iha leitura akordaun nee, juiz prosesu deklara faktus neebe konsta iha akuzasaun provadu katak, akontesementu nee akontese iha loron 30 fulan Outobru tinan 2020.

Provadu mos katak, iha kalan nee antes mosu problema nee, vitima nia oan feto lezada sei koalia ho nia kolega liu husi telefone, iha ema ida neebe lao besik nia kuartu durante oras ida. Ema nee lao kleur iha uma oin, vitima nia oan feto lezada sai ba haree, arguidu maka hatais kalsa ida, no lao ba mai iha fatin motor para nian no kaer hela tudik ida. Lezada haree arguidu, lezada hakilar dehan naok ten, no lezada nia inan vitima rona no halai sai husi nia kuartu mai.

Vitima halai sai mai atu ajuda, tanba arguidu ho vitima nia oan feto hadau malu hela tudik, rezulta vitima nia oan nia liman kanek. Vitima halai mai atu ajuda ho arguidu dudu malu, arguidu kaer tudik sona uluk vitima nia hirus matan, no vitima sei haruka nia oan halai ba kuartu atu save odamatan.

Iha momentu neeba, arguidu atu halai tuir vitima nia oan ba, maka vitima hakuak tiha arguidu, no arguidu lori tudik sona tan iha kotuk laran, no kalilin okos rezulta vitima mate.

Tribunal mos haree fali arguidu nia deklarasaun, arguidu deklara, nia ho vitima amante kleur ona, momentu nee vitima loke hela odamatan maka nia ba.

Maibe tribunal tetu deklarasaun lezada no sasin, tribunal la iha duvidas. Tanba nee tribunal konsidera, krime tolu neebe akuza ba arguidu, homesidu agravadu, homesidu agravadu ho forma tentada, arma branka provadus hotu.

Tanba nee juiz kolektivu deside, aplika pena unika tinan 23 ba arguidu, no absolve arguidu husi kustu judisial.

Leitura nee, lee husi juiz prosesu Maria Solana, Ministeriu Publika reprezenta husi prokurador Jacinto Babo, arguidu hetan asistensia legal husi Defensor Publiku, Eustaquio Guterres.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: