Kazu Raikotu Hetan Pena Prizaun Tinan 23; Arguidu Mataben Monu

DILI, STLNEWS.co – Hahalok neebe arguidu halo, nia sente arrepende bainhira tribunal hatun desizaun hodi kumpre pena iha prizaun durante tinan 23.

Iha loron Kuarta (09/06/2021), mais ou menus oras tuku 16:00 loraik, iha Tribunal Distrital Dili, liu husi juiz kolektivu, deside aplika pena prizaun tinan 23 ba arguidu LHL, tanba lori tudik sona inan feto ida mate, no nia oan feto ida kanek.

Juiz prosesu lee tiha desizaun nee, esplika ba arguidu atu la konkorda ho desizaun nee, bele husu nia defeza atu halo rekursu. Rona tiha desizaun nee, sai mai iha liur arguidu mataben monu, koalia ho nia defeza.

Koalia ho defeza iha minutu balu, arguidu kontinua mataben monu, hameno familia sira no guarda sira kontinua lori arguidu ba prizaun Becora.

“Arguidu tenke ba kumpre duni nia kastigu, tanba ami familia sente triste lakon ami nia ema ida,” dehan familia husi vitima nian neebe lakohi temi naran.

Nia dehan tan, sira sente lakon duni familia ida, tanba nee ho desizaun neebe tribunal fo sira sente justu, atu arguidu iha prizaun bele muda nia hahalok nee.

Iha tribunal, bainhira rona desizaun sai mai, vitima nia oan feto tanis, ho oin triste.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: