Kazu Soe Bebe, PNTL Labele Tolera

DILI, STLNEWS.co – Reprezentante povu iha uma fukun Parlamentu Nasional (PN), preokupa tebes ho kazu soe bebe neebe kontinua aumenta, maske parte hotu halo esforsu, atu kazu nee labele akontese tan, maibe realidade kontinua hatudu, tanba nee husu ba Polisia Nasiona Timor Leste (PNTL) labele tolera inan – aman, neebe halo aktus hanesan nee, tenke buka tuir ema neebe laiha responsabilidade.

Keataun nee fo sai husi Deputada Elvina Sousa ba STL Tersa nee (21/09/2021) iha Parlamentu Nasional.

“Ita preokupa, tanba kazu soe bebe laos asuntu foun, maibe nee beibeik ona, hanesan iha semana kotuk, ema lori bebe ida ba soe hela iha dalan ninin, tanba responsabilidade inan – aman nian nee laiha tiha ona, tanba nee la kuidadu sira nian oan, haree parte igreja mos luta makaas tebes atu labele soe bebe, tanba bebe inosente la hatene buat ida, inan – aman tenke iha responsabilidade,” dehan deputada nee ho triste.

Depuda nee mos husu ba joven sira neebe hakarak atu sai inan – aman, tenke iha duni responsabilidade ba familia, bainhira iha oan karik tenke kuidadu nia, bainhira ema ida sei iha nia inan nia kanotak, mak nia iha dever tomak atu moris, tanba nee responsabilidade inan – aman nian,  hamutuk kuidadu no tau matan ba nia, tanba feto ida ho mane ida nia hakarak mak hodi bebe nee iha.

Iha fatin hanesan, Deputada Josefa Pereira hateten, kazu soe bebe kontinua aumenta, tanba nee husu ba parte relevante sira, liu – liu PNTL atu buka tuir ema neebe soe nia bebe, halo investigasaun ba inan ho aman, razaun saida mak hodi sira deside soe bebe iha dalan ibun ou fatin lixu.*

Reportajen: Madalena Horta/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...