Kazu Tokoluli, Arguidu Sira Hetan Akuzasaun

DILI, STLNEWS.co Tribunal Distrital Dili (TDD) halao julgamentu ba arguidu ho inisial, SMS no NS, MS, GF, AC tanba halo agresaun fiziku hasoru lezadu ZS.

Tuir faktus katak, iha loron 23 fulan Novembru tinan 2020, lezadu servisu hela iha igreja Tokoluli, prepara kareta tula nossa senhora atu ba entrega iha Fatukeru.

Tanba sente mi moras arguidu sai ba liur atu mi, maibe mi seidauk hotu arguidu SMS no NS besik ba lezadu, ida husi oin no ida husi kotuk no arguidu SMS la koalia buat ida, lori kedan au baku ba iha lezadu nia liman.

Arguidu NS lori katana husi kotuk taa lezadu nia ulun, monu kedan tun ba rai.

Konsekuensia husi arguidu nia hahalok nee, lezadu hetan kanek iha ulun, no liman.

Tanba nee MP akuza arguidu sira komete krime ofensa integridade fisika simples neebe previstu iha artigu 145 husi Kodigu Penal.

Hatan ba faktus iha loron Segunda nee (25/10/2021), arguidu nain tolu MS, GF, AC deklara sira la iha konesimentu konaba kazu nee.

Arguidu SMS deklara, nia lori deit au mak baku lezadu, tanba lezadu baku fali nia alin. Arguidu NS deklara nia la lori katana taa lezadu, tanba momentu neeba nia la iha oin.

Lezadu konfirma katak, nia haree duni arguidu SMS mak lori au baku nia, no arguidu NS mak lori katana taa nia.

Sasin PO deklara katak, lezadu baku tiha nia, mak nia maun sira baku fali lezadu.

Audensia julgamentu nee, prezide husi Juiz Singular Afonso Carmona, Ministeriu Publik reprezenta husi Prokurador Simiao Barreto, arguidu hetan asistensia legal husi Advogadu Privadu.

(Ter)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...