Kazu UNPAZ Arguidu 11 Hetan Prizaun Preventiva

DILI, STLNEWS.co – Tribunal Distrital Dili liu husi despaisu ikus, aplika medida prizaun preventiva ba arguidu nain sanulu resin ida, no aprezentasaun periodika ba arguidu nain tolu, no Termo Indentidade Rezidensia ba arguidu nain haat, neebe deskonfia, envolve iha kazu neebe akontese antes nee iha UNPAZ.

Arguidu nain sanulu resin walu nee, deskonfia involve kazu omesidiu iha Universidade da Paz (UNPAZ), iha loron 22 Junu, tinan 2020 neebe rejulta Henrique Soares Maia lakon vida.

Arguidu sira neebe hetan medida prizaun preventiva ho inisial, SPJ, JLFO, JPST, FTE, AVC, LSX, JSCA, DPS, LSM, NBR no JCRM. No arguidu sira nee hetan prizaun preventiva, tanba tribunal entende katak iha indisius forte involve iha kazu refere.

Hafoin despaisu husi tribunal, tuir defeza arguidu sira nian Estaquio Guterres katak, arguidu sira antes nee iha seremonia funebre ba matebian (Vitima) nian, sira mak halo kontribuisaun makas, hodi halao servisu iha mate uma, no sosa kaixaun.

“Tuir deklarasaun arguidu sira nian durante Prosesu Primeiru Interrogatoriu arguidu sira laos nega, no koalia konaba evidensia no provas neebe arguidu sira hatoo, tanba arguidu sira durante nee laiha problema ho vitima neebe maka mate” hateten Estaquio Guterres ba STL iha TDD 18/05/2021.

Defensor Publiku nee la aseita desizaun nee, no sei halo rekursu hasoru desizaun nee ba tribunal rekursu.

Esplika katak, hanesan defeza desizaun nee laos desizaun klaru ona, maibe sei iha tempu para halo halo rekursu.

Nunee Ministeriu Publiku akuza arguidu sira ho krime ida deit, krime Omesidiu Agravadu, neebe previstu no punidu iha artigu 139, kodigu penal Timor Leste.

Prosesu primeiru interrogatoriu nee, prezide husi juiz titular Ivan Suritay, Ministeriu Publiku reprezenta hosi prokurador Matias Soares, no arguidu sira hetan asistensia legal hosi Defensor Publiku Estaquio Guterres.*

Reportajen: Terezinha de Deus
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: