Kazu UNPAZ, Arguidu 18 Submete PPI

DILI, STLNEWS.co – Tribunal Distrital Dili (TDD) halao ona prosesu primeira interogatoriu (PPI), ba iha arguidu nain 18, neebe deskonfia envolve iha kazu UNPAZ.

Arguidu nain 18, nee deskonfia involve kazu omesidiu iha Universidade da Paz (UNPAZ), iha loron 22 Juñu tinan 2020 neebe rezulta Henrique Soares Maia lakon vida.

Arguidu sira kumpre ona detensaun oras 72 iha sela Polisia Munisipiu Dili, hafoin submete mai prosesu primeira interogatoriu.

Arguidu sira kompostu husi feto 2, no mane 16 ho inisial LSM, JCR, ZCR, GPD, JR, FPG, FTE, QB, DCA, FC, SPJ, JLF, JPS, AVC, LSX, JSC, JS, no DPS. Prosesu neebe lori too iha tribunal, rejista ho NUC 0031/21.PGGCC.

Arguidu sira neebe involve iha kazu nee, hamutuk nain 22. Maibe foin lalais nee PNSIK ezekuta mandadu tribunal, konsege halo detensaun ba suspeitu 18, no hela nain 4 sei buka tuir.

Tuir fontes konfirmadu neebe lakohi temi naran katak, kazu nee tuir lolos ohin rona despaisu husi tribunal, maibe la konsege no adia fali ba aban atu rona despaisu husi tribunal, konaba medida neebe maka sei aplika ba arguidu sira.

Prosesu primeiru interogatoriu nee, prezide husi juiz titular Ivan Suritay, Ministeriu Publiku reprezenta hosi prokurador Matias Soares, no arguidu sira hetan asistensia legal hosi Defensor Publiku, Estaquio Guterres.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: