Kazu UNPAZ, PNTL Detein Suspeitu Nain 17

DILI, STLNEWS.co – Relasiona ho kazu Universidade da Paz (UNPAZ), Polisia Nasional Timor-Leste (PNTL) liu husi Polisia Servisu Investigasaun Kriminal (PSIK), detein ona autor nain 17, tanba deskonfia komete iha kazu oho Henrique Soares Maia, iha areadores Universidade da Paz.

Portavoz Komando Jeral, Polisia Nasional Timor-Leste, Superintendente Xefe Arnaldo Araujo hatoo kestaun nee ba jornalista sira, liu husi konferensia imprensia iha nia knaar fatin Caicoli, Dili, Kuarta (12/05/2021).

Nia dehan kazu nee akontese iha loron Domingu madrugada iha Dia 21 fulan Junnu 2020. Suspeitu nain 17 nee kompostu husi feto rua (2) nomos mane nain sanulu resin lima (15). PSIK halo detensaun ba sira, iha sira nia hela fatin Bairru-Pite, Postu Admnistrativu Don Aleixo Munisipiu, Dili.

Polisia Nasional Timor-Leste, liu husi investigasuan kriminaL, ezekuta mandadu judisial husi tribunal ba kazu omesidu iha UNPAZ.

“Autor kapturadu ema nain 17, tuir mandadu neebe tribunal fo sai, sira seluk ita sei nafatin halo identifikasaun hela ba sira no sira neebe maka ita kaptura ona nee agora dadauk detein hela iha sela munisipiu Dili,” dehan Superintendente Xefe Arnaldo.

Antes nee Komando PNTL Munisipiu Dili liu husi servisu Investigasaun Kriminal, hamutuk ho Servisu Investigasaun Kriminal Seksaun Forensik halo prosesu investigasaun ba kazu akontesimentu nee iha kalan madrugada tuku 2:00, iha kampus Universidade da Paz.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: