Kazu Violensia Domestika Aas

Porta voz komando jeral PNTL, Superintendente Xefe Arnaldo Araujo. (Photo: STL News/Donaciano Magalhães)

DILI, STLNEWS.co – Kazu violasaun domestika aas tebes iha teritoriu Timor Laran tomak, tanba durante semana ida nia laran sira rezistu kazu violensia domestika hamutuk 44.

Porta voz komando jeral PNTL, Superintendente Xefe Arnaldo Araujo, hatoo kestaun nee ba Jornalista sira liu husi konferensia imprensa, neebe halao iha nia knaar fatin, Komandu Jeral Caicoli, Dili, Kuarta (09/09/2020).

“Hakarak informa deit katak entre kazu sira nee hotu violensia domestika mak agora makas no aas tebes, tanba durante semana ida nee iha teritoriu Timor laran tomak ita rezistu hamutuk 44,” dehan nia.

Arnaldo dehan, hakarak hatete publiku sira katak, violensia domestika nee aas tebes iha teritoriu Timor laran tomak, tanba PNTL mos halao servisu hamutuk ho Operasaun Polisia Suku, (OPS), tanba sira iha kada suku sempre habelar no fahe informasaun kona ba saida mak violensia domestika.

“Uluk violensia domestika nee ema dehan katak bikan ho kanuru, neebe rezolve iha uma laran ou bele rezolve mos iha suku, maibe agora lae, agora problema kikoan deit komunidade nee hatene ona no sira mai keixa ona ba iha Polisia,” dehan nia.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here