Komete Krime 3, Arguidu JXB Hetan Medida Aprezentasaun Periódika

DILI, STLNEWS.co Tribunal Distrital Dili (TDD) liu husi despaixu ikus ba prosesu primeiru interrogatóriu, aplika medida koasaun Termu ba Identidade no Rezidénsia (TIR) no Aprezentasaun Periódika (AP) ba arguidu ho inisial JXB.

Iha prosesu nee taka ba iha publiku, maibe husi parte Ministeriu Publiku nian promove arguidu ba iha krime abuzu konfiansa, falsifikasaun dokumentus, burla agravadu.

Iha despaixu ba prosesu nee, tribunal liu husi juiz titular deside, hodi aplika medida koasaun TIR no Aprezentasaun Periodika, atu arguidu aprezenta an fulan ida (1) dala ida (1).

Depois despaixu husi tribunal, tuir defeza husi arguidu nian Humberto Alves katak, tribunal aplika medida koasaun aprezentasaun periodika no TIR ba arguidu, tanba iha faktus balun neebe Ministeriu Publiku aprezenta mai iha tribunal, ladun prienxe rekejitus.

“Nee mak tribunal aplika medida ida nee hodi hein prosesu investigasaun, neebe Ministeriu Publiku sei lao hela,” dehan nia ba STL iha TDD, Kinta nee (18/11/2021).

Defeza nee hatutan, iha promosaun neebe Ministeriu Publiku aprezenta mai tribunal nee, ho krime tolu (3), abuzu de konfiansa, burla agrvadu no mos falsifikasaun dokumentus.

Prosesu primeiru interrogatóriu nee, prezide husi Juiz Singular Evangelino Belo, Ministeriu Publiku repzenta husi Prokurador Domingos Barreto, arguidu hetan asistensia legal husi Defensor Publiku Humberto Alves.

(ter)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...