Komete Krime OFS, CP Hetan Pena Multa

DILI, STLNEWS.co – Tribunal Distrital Dili (TDD) liu husi despaixu ikus ba prosesu primeiru interogatoriu aplika pena multa US$ 90 ba arguidu ho inisial CP.

Arguidu submete ba iha tribunal, tanba Ministeriu Publiku akuza arguidu ho krime ofensa integridade fisika simples neebe previstu iha artigu 145 husi Kodigu Penal (KP) hasoru vitima ida.

Iha despaixu nee, tribunal deside aplika pena multa ba arguidu US$ 90, kada loron sei selu 75 sentavos, sem kustu judisial. Aleinde ne’e tribunál mós aplika pena alternativa loron 80 iha prizaun se arguidu la kumpre pena multa refere.

Tribunal aplika pena multa ba arguidu, tanba haree mos moris hanesan ema neebe faan pentolan.

“Prosesu nee tribunal aplika deit pena multa ba arguidu,” dehan Fontes nee ba STL iha TDD, Segunda nee (06/09/2021).

Tuir kronolojia husi akontesimentu nee katak, arguidu tula hela nia feen ho motor, vitima sira ameasa fali, tanba nee mak arguidu mos tuun husi motor no halo problema ho sira, no polisia ba kaer kedan arguidu.

No antes nee sira iha ona problema balu entre parte arguidu no vitima sira nian.

Prosesu primeiru interogatoriu nee prezide husi juiz titular Ivan Suritai, Ministeriu Publiku reprezenta husi Prokurador Renato Bere Nahak, arguidu hetan asistensia legal husi Defensoria Publika Agustinha de Oliveira.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: