Kondenada LM Sei Hetan Liberdade Kondisional

DILI, STLNEWS.co – Tribunal Distrital Dili iha loron Kuarta, 19/05/2021 iha sala audensia laran deklara, sei fo liberdade kondisional ba kondenada LM, tanba kumpri ona nia kastigu metade de pena.

Iha sala audensia laran, kondenada esplika katak, durante iha prizaun Becora nia aprende suku borda, pontu kruz, suku pasta no suru tais. Konaba esperitual nian, reza hamutuk iha bloku, serin biblia, no tuir atividade iha Igreja konaba kanta. Tuir mos formasaun konaba lingua portugues nian.

Kondenada dehan, konaba nia hahalok neebe nia la diak, iha prizaun laran nia aprende konaba, maneja emosaun, kontrola hirus, no prevene konflitu.

Kondenada mos arepende los nia hahalok neebe nia halo, no promete katak nia sai iha liur sei la halo tan hahalok nee.

Kondenada nee dehan, nia sai iha liur sei kontinua fali nia estudu, tanba naton nia tama prizaun foin iha bangku SMA kelas 2. No iha prizaun nia inan aman familia ba vizita nia, maibe mane neebe sira rua moris hamutuk, hodi ikus mai mosu problema la ba vizita nia.

Kondenada mos promete, nia sai iha liur sei buka parseiru neebe diak, no akontese nia isin rua karik, nia sei kuidadu bebe, sei la hanoin aat ba bebe hanesan saida maka akontese iha passadu.

Rona tiha sira nee hotu, prokurador no defeza mos aseita, husu tribunal atu fo liberdade kondisional ba kondenada, tanba kumpri ona nia kastigu, metade de pena.

Rona tiha ida nee, tribunal mos fo advertensia ba kondenada, atu labele halo tan hahalok neebe halo ona, bainhira sai iha liur. Husu kondenada atu hakribi nia hahalok, tanba nudar ema buat neebe ita han midar ona, ita gosta han bebeik. Maibe husu iha liur atu kuidadu an, besik ba igreja, no sente atu besik ba buat midar ruma karik, hases an lalais.

Kondenada hein tan fulan rua, kompleta ona nia metade de pena, hodi sai husi prizaun.

Liberdade kondisional nee, prezide husi Juiz Ana Paula, Prokurador reprezenta husi Domingos Barreto, arguida hetan akompana husi nia Defeza Marsal Mascarinhas.*

Reportajen: Terezinha de Deus
Editora: Domingas Gomes

1 COMMENT

  1. Kondenadu ba kazu saida no ba tinan hira lolos mensiona iha notisia laran nune leitores sira bele hatene. Obg

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: