Konfrontu Iha Suku Maskarinas, Nain 3 Kanek

DILI, STLNEWS.co – Konfrontu entre juventude iha Suku Maskarinas, Postu Administrativu Vera Cruz, Munisipiu Dili rezultadu juventude nain tolu (3) kanek, joven nain 3 neebe kanek, nain ida (1) konsege simu bala musan husi membru PNTL tanba deskonfia sai provokator iha konfrontu nee.

Tuir informasaun neebe STL asesu husi fontes konfirmadu katak, iha Domingu (02/05/2021) tuku 05:00 OTL loraik, joven sira hahu tuda malu entaun membru PNTL ida neebe destakadu iha Postu Polisia iha Suku Maskarinas halo kedas intervensaun hodi hakalma situasaun liu husi tiru sae pistola dala tolu (3) hodi fo alarme ba joven sira atu para tuda malu, maibe intervensaun husi membru PNTL nee joven sira la preokupa, joven sira kontinua tuda malu no ikus mai rezulta joven nain rua (2) kanek, ida (1) kanek iha parte ulun no ida kanek iha parte tilun, situasaun mos deskontroladu ona, ikus mai iha tuku 05:45 OTL membru polisia mos foti kedas desizaun hodi tiru kedas joven ida neebe deskonfia sai hanesan provokator iha parte ain.

Joven nain tolu (3) neebe hetan kanek, transporta kedas ho kareta bombeirus ba iha Hospital Nasional Guidu Valadares (HNGV), hodi halo tratamentu. (Foto: STL/Donaciano Magalhães)

“Mais ou menus iha tuku 05:00 loraik joven sira hahu tuda malu, no membru polisia neebe destakadu iha Postu Maskarinas, halo kedas intervensaun hodi hakalma situasaun, maibe nafatin tuda malu no joven nain rua (2) hetan kanek iha parte ulun no tilun, ikus mai membru PNTL mos foti kedas medidas hodi tiru kedas joven neebe deskonfia sai hanesan provokator iha parte ain,” hatete fontes konfirmadu nee.

Fontes konfirmadu nee mos esplika, hafoin PNTL tiru kanek joven ida, situasaun kontroladu ona, no joven nain tolu (3) neebe hetan kanek, transporta kedas ho kareta bombeirus ba iha Hospital Nasional Guidu Valadares (HNGV), hodi halo tratamentu.

Entertantu hafoin notisas nee publika, STL seidauk konfirma ho parte PNTL relasiona ho akontesementu nee.*

Reportajen: Donaciano Magalhães
Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: