Kontetor Soke Mikrolet Prosesu Investigasaun Lao Hela

Komandu Jeral Polisia Nasional Timor Leste (PNTL) Komisariu Faustino da Costa hatete asidente kontentor soke mikrolet iha Pantai Kelapa prosesu investigasaun lao hela. (Foto: Media PR)

DILI, STLNEWS.co – Komandu Jeral Polisia Nasional Timor Leste (PNTL) Komisariu Faustino da Costa hatete asidente kontentor soke mikrolet iha Pantai Kelapa prosesu investigasaun lao hela.

Komandu Jeral Polísia Nasional Timor Leste (PNTL) Komisariu Faustino hatoo kestaun nee bainhira remata hasoru malu ho prezidente republika Francisco Guterres Lú Olo iha palasiu Prezidente Bairru Pite, Kinta (22/10/2020).

“Asidente ida hodi bainhira kontentor soke mikrolet iha Pantai Kelapa, hau hanoin prosesu nee lao hela neebe dala ruma nain hira bele foti dehan tanba motorista nee deklara dehan laos nia maka soke, maibe hau hanoin, hau laos atu deside prosesu tomak ita lori depois ita lori ba Ministeriu Publiku,” dehan Komjer PNTL Komisariu Faustino da Costa.

Alende nee Komjer hatutan relasiona ho estadu emerjensia dahaat no dalima neebe sidadaun Timoroan ho numeru boot maka movimentu ilegal iha fronteira liu 200, maka Ministériu Interior (MI) no Polísia Nasional Timor-Leste (PNTL) submete ona ba Ministeriu Publiku (MP).

“Ita iha prosesu liu ema nain 200 neebe ita aprezenta ona nia prosesu ba MP no iha neeba kada grupu ho nia numeru krime keta-ketak, neebe ita aprezenta hotu ona ba iha neeba no sira ne mai husi estadu emerjensia dahaat no dalima nian,” dehan Komjer*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here