Krime VD No Kontra Bandu Aas Iha TDS

DILI, STLNEWS.co – Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika simples, no krime kontra bandu.

“Sei mantein ho violensia domestika ofensa integridade fisika simples, iha krime sira neebe maka nia pena aas, nafatin ho krime kontra bandu,” dehan Juiz Administrador Tribunal Distrital Suai, Jose Maria ba STL liu husi telefone, Sabadu nee (15/05/2021).

Juiz nee hatutan, krime kontra bandu aas, tanba Municipiu Covalima, Tribunal Distrital Suai nia area juridisaun rua, neebe maka iha fronteira hanesan Municipiu Covalima no mos Municipiu Bobonaro, no krime rua nee aas iha municipiu rua, liu liu iha Municipiu Bobonaro.

Nia esplika tan, agora dadaun iha Tribunal Distrital Suai iha juiz nain neen, neebe sufisiente ho numeru prosesu neebe iha. No iha mos ofisial justisa mais de 10, iha mos funsionariu lojistika no IT nian neebe halao servisu iha fatin neeba.

Hatan konaba kondisaun edefisiu tribunal nian, juiz administrador nee afirma, edifisiu Tribunal Distrital Suai foin halo rehabilitasaun, no iha sala julgamentu rua, ho juiz nain neen bele dehan la sufisiente, maibe agora dadaun iha tribunal nia kotuk iha “Koby House” ida, no lakleur tan sei uza hodi atende julgamentu prosesu singular sira.

Tuir observasaun STL nian iha TDD atu hanesan mos ho TDS, tanba TDD antes nee julgamentu normal, kada loron julga kazu violensia domestika barak liu kompara ho krime seluk.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: