La Selu Taxa, Migrasaun Deporta Xina Feto Ida

Ministru Interior (MI), liu husi Diresaun Nasional Servisu Migrasaun Timor-Leste deporta Sidadaun Xina Feto ida naran Wang Yanmei idade tinan 46, ba nasaun Xina, tanba hela iha Timor Leste hodi usaha hanesan pijit/massage ha Pantai Kelapa, la selu tasa ba estadu. (Foto: Espesial)

DILI, STLNEWS.co – Ministru Interior (MI), liu husi Diresaun Nasional Servisu Migrasaun Timor-Leste deporta Sidadaun Xina Feto ida naran Wang Yanmei idade tinan 46, ba nasaun Xina, tanba hela iha Timor Leste hodi usaha hanesan pijit/massage ha Pantai Kelapa, la selu tasa ba estadu.

Komandante Setor Operasaun Servisu Migrasaun, Inspektor Polisia Luis do Carmo Pereira hatete, sidadaun Xina feto ida naran Wang Yanmei idade tinan 46, tama iha teritoriu Timor Leste iha loron 02 fulan Marsu tinan 2015, hodi loke usaha hanesan pijit/massage iha Pantai Kelapa, maibe la selu tasa ba estadu.

Nia dehan, bainhira sidadaun nee komete krime loke usaha iha Timor laselu tasa ba estadu, tanba nee desizaun tribunal iha loron 29 Outubru 2020 tenke espulse sidadaun Xina nee husi teritoriu Timor Leste.

“Sidadaun Xina nee loke usaha hanesan pijit iha Pantai Kelapa, la selu tasa ba ita nia estadu, entaun ami prosesu ba iha tribunal, nunee iha loron 29 Outubru 2020 desizaun sai katak ita tenke deporta nia sai husi teritoriu Timor Leste, tanba sidadaun nee komete krime,” dehan nia ba jornalista sira, iha Aeroportu internasional Prezidente Nicolau Lobato, Comoro, Dili, Kuarta (20/01/2021).

Nia dehan, hafoin desizaun tribunal sai atu deporta kedas iha tempu neeba la diak, tanba mundu inklui Timor Leste, imprensa hela situasaun estadu emerjensia hodi halo prevensaun ba moras Covid-19, entaun tribunal bolu fali hodi halo prosesu administrativu durante loron 48, depois kordena Embaixada Xina no bolu Asosiasaun Xineza iha Timor Leste mak responsabilidade hodi hein aviaun atu mai tula.

“Momentu nee ita iha hela situasaun estadu emerjensia, entaun ita labele prosesu, ita halo tuir desizaun tribunal nian ita bolu nia mai prosesu tuir administrativu, depois prosesu nia durante 48, koordena fali Embaixada Xina, bolu asosiasaun Xineza iha timor, atu responsabilidade ba nia durante hein aviaun atu mai,” dehan nia.

Nia afirma, sidadaun Xina nee loke nia usaha hanesan pijit/massage iha Pantai Kelapa, depois la selu taxa ba estadu no mos inklui nia vistu mate.*

Reportajen: Efizenia da Costa
Editor: Carme Ximenes

LEAVE A REPLY

Please enter your comment!
Please enter your name here