Laen Baku Fen Prizaun Fulan 6

DILI, STLNEWS.co – Liu husi prosesu alegasaun ba kazu Violensia Domestika (VD) laen baku fen. Ministeriu Publiku (MP) solisita ba tribunal singular, aplika pena prizaun fulan 6. Suspende tinan 1 ba arguidu ho inisial JCL hanesan laen, tanba halo agresaun ba lezada ho inisial CVCS hanesan fen.

Maski nunee, iha alegasaun MP haree, arguidu konfesa imparsial ba faktus, katak arguidu halo duni agresaun ba lezada. Tanba nee MP laiha duvidas, mantein ho krime neebe konsta iha akuzasaun.

Nunee atu redus krime nee iha futuru arguidu labele halo tan, no ema seluk neebe hatene labele halo tan, ho nunee MP solisita ba tribunal aplika pena prizaun fulan neen, suspende tinan ida ba arguidu.

Nunee mos, parte defeza arguidu, deklara katak arguidu konfesa imparsial ba faktus, foin primera vez mai iha tribunal, hatudu mos nian arependementu. Ho nunee defeza husu ba tribunal tetu no aplika pena neebe adekuadu ba arguidu.

Tuir faktus katak, iha loron 31 fulan Agustu 2019, haleu oras tuku sia, iha sira nia uma Fatuhada, arguidu atu lori sira nia oan ba Baucau maibe lezada laaseita.

Maibe arguidu kontinua lori sira nia oan feto tama ba kareta laran, lezada mos halai tuir ba, bainhira lezada loke kareta nia odamatan, arguidu basa dala ida iha lezada nia tilun hun, lezada hamrik nafatin para kous nia oan nee, arguidu tebe dala ida iha lezada nia kabun kidun, tanba nee lezada sente moras, hodi ba hatoo keixa.

Konsekuensia husi arguidu nia hahalok nee halo lezada sente moras iha tilun hun no kabun kidun, maibe lezada laba halo taratamentu.

Arguidu hatene katak, hahalok nee lei bandu, maibe arguidu kontinua halo. Tanba nee MP akuza arguidu ba krime violensia domestika ho forma ofensa ba integridade fisika simples neebe previstu iha artigu 145 husi KP.

Kona-ba faktus nee, arguidu konfesa imparsial ba faktus katak, arguidu halo duni maibe sira diak malu ona. Tan nee promete iha futuru sei lahalo tan.

Lezada mos haforsa tan nian akuzasaun katak, arguidu halo duni hahalok nee, maibe sira diak malu ona.
Audensia julgamentu nee, prezide husi Juiz Singular Zulmira Auxiliadora, MP reprezenta husi prokurador nain ida, arguidu hetan asistensia legal husi Defensor Publiku Sergio Dias Quintas.*

Reportajen: Terezinha De Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...