Laiha Etika Uza ID Falsu Insulta Ema

DILI– Ema laiha etika moral mak uza sasan teknolojia hanesan facebook uza ID falsu, hodi insulta ema seluk nia diqnidade.

Dala barak ema uza ID falsu hodi hatun ema seluk ninia diqnidade, dala ruma ema seluk uza fali ID falsu koalia aat ema seluk, hanesan tolok, no hasai liafuan neebe mak aat, ida nee akontese mos ba inan feton sira, tanba ema uza fali ID falsu tau fali inan feton sira nia foto, hodi koalia ho liafuan neebe mak aat.

Preokupasaun nee fo sai husi Ministru estadu koordenador asuntu sosiais, Antonio da Conceição katak, situasaun nee laiha responsabilidade, ho hahalok hanesan nee ema hahu destroi nasaun nia imajen.

Primeiru ema uza  sasan teknolojia nee laiha responsabilidade, tanba uza hodi insulta fali ema seluk, neebe iha nee ba halo akuzasaun ida neebe mak ita bele dehan katak, falsifika no responsabel, ida nee buat neebe mak ita bele dehan laiha etika, buat neebe mak ita hatene dehan katak, buat ruma ita sente katak, la los, ita tenke buka ba koalia ho ema nee, maibe laos buka uza ID falsu hodi insulta ema seluk, bainhira ema respeitu ita, ita mos tenke respeita ema seluk,” dehan Antonio ba STL  iha nia knar fatin ME Vila-Verde, Dili, Kinta (08/02/2017).

Nia sente triste, hanesan Ministru Edukasaun, dezafiu boot ida atu eduka sosiedade ba aban bain rua, oinsa mak atu sosiedade tenke respeita ema seluk, no ida nee hanesan edukasaun la propriadu didiak.

Iha parte seluk, prezidente rede feto, Judit Diaz hatete, importante mak dever civiku ema ida-idak nian, se ema nee laiha civiku ou laiha kultura neebe mak diak, ida nee akontese, maibe ema neebe mak kultura diak sei la halo hanesan nee. Jacinta Sequeira

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...