Laiha Karta Kondusaun, SM Selu Multa US$ 60

DILI, STLNEWS.co – Tribunal Distrital Dili (TDD) liu husi Prosesu Sumariu, iha desizaun ikus, aplika pena multa ba arguidu nain ida inisial SM ho idade tinan 18, tanba kondus motorizada laiha Karta Kondusaun (SIM).

Tuir faktus katak iha loron 19 fulan Junu 2021, mais ou menus oras tuku 11:45, iha area Bairo Pite Fatumeta, arguidu SM, konduz motorizada ida ho marka Beat metan, la uza kapasete, halai kontra mos sinais tranzitu nian.

Iha momentu nee kedas arguidu hetan detensaun husi ekipa polisia seguransa tranzitu sira, hodi lori arguidu mai kumpre iha sela polisia durante oras 72 nia laran.

Tribunal konsidera katak arguidu nia hahalok priense duni rekejitu no elementu substantivu sira, ba krime sem karta kondusaun neebe previstu iha artidu 207 husi lei 6/2013 no artigu 115 hosi lei kodigu penal.

Tanba nee juiz deside atu aplika multa ba arguidu ho kustu taxa diariu, katak kada loron arguidu tenke selu US$ 1 too loron 60.

Tribunal esplika, kuandu arguidu la kumpre desizaun, mak arguidu sei kumpre kastigu iha prizaun durante loron 40 nia laran.

Audiensia nee tribunal reprezenta husi juiza Ersilia da Silva, no parte Ministeriu Publiku reprezenta prokurador nain ida, no arguidu hetan asistensia legal hosi defensor publiku nain ida.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: