Lakohi Fo Osan Ense Mina, Matan Fukun Joana Nakles

DILI – Arguidu Fransisco Martins tenke ba hatan iha Tribunal Distrital Dili (TDD) hodi fo nia presta deklarasaun tamba ho arguidu nia hahalok halo lezada Joana de Jesus Soares nia matan les ho razaun la fo osan ense mina USD$ 10.00 Dollar hodi tula labarik ba eskola.

Tuir akuzasaun husi Ministeriu Publiku neebe mak Tribunal lee sai katak arguidu Fransisco Martins no lezada Joana de Jesus Soares moris hamutuk iha tinan 1993 kedas no oras nee dadaun iha oan nain 7. Iha loron 30 Janeiro 2016, iha horas 05.00 dadersan, Ponilala, Gleno dadersan arguidu Fransisco fanun lezada Joana atu prepara matabasiu ba arguidu no abo sira. Maibe, kuandu matabisu pronto tiha arguidu laos matabisu maibe fakar fila fali ba iha lezada nia leten.

Lezada mos konfesa ba Ministeriu Publiku katak kuandu arguidu ho lezada moris hamutuk hodi hari uma kain, dalaruma arguidu baku lezada kuandu labarik sira uluk sei kiik.

Momentu neeba arguidu husu mos ba lezadu atu fo osan USD$ 10.00 dollares atu fo ense mina motor nian atu arguidu tula nia oan ba eskola. Maibe, lezada hatan ba arguidu katak osan atu halo saida. Ho razaun nee mak arguidu tuku dala ida iha matan fukun dala ida hodi lezada monu tun iha fatin kedas. No, lezada mos konsege ba halo tratamentu iha ospital Gleno.

Ho arguidu nia hahalok nee, Ministeriu Publiku akuza arguidu komete krime maustratus ba konjuje neebe punidu no previstu 154 iha kodigu penal Timor Leste.

Hatan ba akuzaun nee, tuir arguidu Fransisco Martins katak akuzasaun husi Ministeriu Publiku balun los no balun la los. Akuzasaun balun la los mak momentu neeba arguidu fanun lezada atu halo matabisiu dader maibe laos fakar matabisiu iha lezada nia leten.

Arguidu mos rekuinhese ninia hahalok katak momentu neeba tamba husu osan USD $ 10.00 ba iha lezada atu ense mina motor atu lori labarik ba eskola maibe lezada la foo san nee mak hau baku duni lezada hodi tuku dala ida iha nia matan fukun parte los hodi lezada monu tun ba iha rai,”dehan nia iha TDD, Mandarin, Segunda (06/03/2017).

Arguidu mos konfesa ba Tribunal katak depois akontesimentu liu loron 5 deit hodi husu deskupla ba lezada hodi fo korente no sasan balun hodi rekuinhese arguidu nia sala. Nunee mos, lezada fo bibi ida no osan USD$ 100 dollares atu familia rua damen malu fila fali no oras nee dadaun moris hamutuk hanesan fen ho laen.

Iha fatin hanesan, tuir Lezada Joana de Jesus Soares ninia deklarasaun fo falsa deklarasaun maibe ikus mai lezada fo fali fila fali deklarasaun ba Tribunal tamba arguidu nuudar xefi familia no lezada mos rekuinhese ba ninia deklarasaun.

Hafoin rona tiha depoimentu husi parte rua Tribunal submete kedas iha alegasaun final. Iha alegasaun final Ministeriu Publiku husu ba Tribunal atu aplika pena prizaun tinan 3 no suspende mos tinan tolu. Maibe, husi parte defesa ba tribunal atu aplika pena de multa ba arguidu tamba arguidu nuudar Ermera oan Café Barak. Hafoin, rona tiha depoimentu husi parte rua nee Tribunal, adia fila fali julgamentu ba iha loron 17/03/2017, 17h00 otl lokraik. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...