Lezadu Hili Dame, Tribunal Liberta Arguidu

DILI – Tribunal liberta arguidu Jose Goncalves husi krime ameasa simplest, tanba lezadu Aparicio Guterres hakarak dame malu no dada fali kazu refere.

Liu husi sala audensia, tribunal halo rekonsiliasaun entre lezada ho arguidu tanba krime ameasa simplest ho natureza semi publiku. Lei fo dalan ba tribunal atu homolonga keixa sekuandu lezadu prontu atu dada fali prosesu nee.

Hatan ba kestaun nee lezada sira deklara katak, nia parte hakarak atu dada fali kazu nee tamba arguidu mos simu no fo tempu ba lezadu atu hare sasan motor nian neebe mak iha arguidu nia uma laran uainhira aluga hela arguidu nia uma desde 2012 no too iha 2014. No, arguidu mos konkorda ho lezada hodi husu deskulpa no dame malu ho lezadu iha tribunal nia oin katak ho hahalok neeba mak arguida sira halo sei la halo tan iha iha futuru.

Nunee mos, arguidu mos konfesa ba Tribunal katak lezadu mos bele hare ninia sasan neebe mak iha uma laran. Maibe, nuudar arguidu husu ba lezada atu selu osan balun neebe mak seidauk selu hela kuandu lezada muda fali ba fatin seluk.

Haree ida nee parte Ministeriu Publiku no defensor Publiku konkorda atu absolve no homolonga arguida tanba lezadu sira hakarak dada fali keixa no hakarak dame malu ho arguidu sira. Nunee, tribunal homolonga keixa no absolve arguida husi buletin de krime.

Audensia nee prezide husi Juiza Singular Maria Fransisca Cabral, Ministeriu Publiku reprezenta husi prokurador Nelson de Carvalho no arguida hetan assistensia legal husi defensor publiku Humberto Alves. Domingos Piedade Freitas

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...