Loke Jogu Ilegal, Adolfo Hatan Iha Tribunal

DILI – Arguidu Adolfo Soares de Deus tenke hatan iha tribunal tamba loke jogu illegal bola guling liu tiha ona loron neebe mak determinadu maibe arguidu kontinua loke jogu illegal bola guling.

Liu husi akuzasaun Ministeriu Publiku neebe mak tribunal lee sai katak iha loron 22 de Abril 2015 iha horas 11.00 dadersan iha aldeia 12 de Outubro, Polisia Nasional Timor Leste (PNTL) halo patrulamentu ba iha area Tasi-tolu no konsege indentifika grupu balun neebe mak loke jogu illegal. Konsekuensia husi jogu illegal PNTL konsege kaptura duni arguidu ho ninia membru sira no konsege rekolla duni mesa, bola, nibel no osan $71 dollares Americanos. Maibe, arguidu Adolfo Soares de Deus mak entrega nia an rasik ba PNTL rasik. Tamba nee, Ministeriu Publiku akuza arguidu komete krime explicita do jogu ilicitu neebe mak previstu iha kodigu penal.

Hatan ba akuzasaun nee, arguidu Adolfo Soares de Deus katak faktus nee balun los no balun la los. Tamba, kuandu PNTL halo kapturasaun arguidu la iha fatin maibe arguidu mak entrega nia an rasik ba PNTL. Arguidu mos konfesa katak loke jogu bola guling iha tinan 2014 maibe data mak liu tiha ona prazu tamba patraun la fo hatene kona ba data neebe mak determinadu. Jogu nee patraun Nuno das Dores nian mak fo ami nia grupu hodi joga bola guling.

Tamba ami la hatene ho razaun nee kontinua loke jogu bola guling no jogu kada semana loke iha loron Sesta, Sabado no Domingo,” dehan nia, iha sala audensia julgamentu, Mandarin, Tersa (31/01/2017).

Tamba nee, kada semana arguidu selu ba patraun kada semana $ 200 se lae ho $ 100 depende osan neebe mak arguidu ho ninia maluk manan kada semana. No arguidu ho ninia maluk sira kada loron bele hetan $ 100 se lae 50 husi jogu illegal nee rasik.

Tuir testemuna Domingos Freitas katak nuudar arguidu nia alin mos konfesa ba tribunal katak jogu neebe mak arguidu loke nee hetan karta kuinhesimentu husi estadu Timor Leste. Maibe, karta lisensa nee rasik liu tiha ona prazu, no patraun Nunubai la fo hatene arguidu kona ba data neebe mak liu tiha data neebe mak determinadu. Tamba, polisia hetan jogu nee rasik arguidu mak entrega an rasik ba polisia hodi koalia kona ba problema ida nee. Informasaun kompletu iha STL Jornal no STL Web, edisaun Kuarta (1/2/2017). Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...