Lori Katana Taa ESB, FSM Prizaun Tinan Haat

Ministeriu Publiku iha nia alegasaun ba krime Arma Branca, solisita ba Tribunal, atu aplika pena prizaun tinan haat ba iha arguidu ho inisial FSM, tanba lori katana taa lezadu ho inisial ESB. (Foto Ilustrasaun: viva.co.id)

DILI, STLNEWS.co – Ministeriu Publiku iha nia alegasaun ba krime Arma Branca, solisita ba Tribunal, atu aplika pena prizaun tinan haat ba iha arguidu ho inisial FSM, tanba lori katana taa lezadu ho inisial ESB.

Iha alegasaun nee, MP mantein ho akuzasaun neebe iha, no MP hare katak arguidu komete duni krime Arma Branca neebe iha nee. Tanba nee atu evita arguidu nia hahalok atu iha futuru labele halo tan, maske sira dame malu, tanba nee MP kontinua husu ba iha tribunal atu aplika pena prizaun tinan haat ba iha arguidu.

Enkuantu husi parte defeza nian, husu ba iha tribunal, atu aplika pena neebe justu ba arguidu, tanba arguidu kopera no justisa, foin primera vez mai iha tribunal, no arguidu fo sala ona ba lezadu, no sira diak malu ona.

Rona tiha husi parte rua, tribunal adia hikas ba iha loron 27 fulan Junnu oras tuku 11:30 hodi rona leitura akordaun.

LEAVE A REPLY

Please enter your comment!
Please enter your name here