Lori Katana Taa ESB, FSM Prizaun Tinan Haat

Audensia julgamentu nee prezide husi juiz kolektivu, Ana Paula, Ivan Suritai, Maria Solana Ministeriu Publiku reprezenta husi Prokuradora Bemvinda Do Rojario, arguidu hetan asistensia legal husi Defensor Publiku.

Tuir faktus katak, iha loron 30 fulan Dezembru 2018, oras tuku 01:00 madrugada, iha Darlau-Dili arguidu ho kondisaun lanu todan kaer katana iha nia liman hodi taa lezadu nia kabas parte karuk dala ida, kontinua taa tan iha lezadu nia liman besik kabas dala ida rezulta kanek no ran sai.

Konsekuensia husi arguidu nia hahalok nee, halo lezadu hetan ran no kanek iha kabas parte karuk, hodi suku pontu haat.

Motivu husi problema nee, tanba iha altura arguidu lanu, arguidu hakarak nia koalia ema hotu halo tuir deit, tanba nee mosu diskusaun hodi arguidu sira baku malu.

Arguidu hatene hela katak kaer katana nee krime lei bandu, maibe arguidu kontinua halo nafatin.

Tanba nee MP akuza arguidu ba iha krime violensia domestika ho forma ofensa integridade fisika simples no mos posse ba arma branka neebe previstu iha artigu 145 no mos artigu 20 husi lei numeru 5/2017.

Iha sala julgamentu laran, arguidu konfesa ba faktus, katak arguidu taa duni lezadu, tanba arguidu kondisaun lanu. Maibe sira rejolve familia ona, arguidu fo ona 100 dolar bibi ida no fahi ida ba lezadu.

Lezadu mos haforsa tan akuzasaun katak, arguidu maka taa duni lezadu, maibe sira rezolve no diak malu ona.*

Reportajen: Terezinha de Deus
Editora: Carme Ximenes

LEAVE A REPLY

Please enter your comment!
Please enter your name here