Lori Maubeka, Arguidu Ameasa Suspensaun Tinan 4

DILI, STLNEWS.co – Ministeriu Publiku iha nia alegasaun ba krime arma brankas, husu tribunal atu aplika pena suspensaun tinan 4 ba arguidu.

Iha alegasaun final nee, Ministeriu Publiku akuza arguidu ho krime rua, krime ameasa ho krime armas brankas, maibe krime ameasa tribunal halo tentativa konsiliasaun, no lezadu mos iha vontade dada fila keixa nee, tanba krime ameasa nee nia natureza semi publiku, lei fo dalan bainhira lezadu iha lejitimidade atu dada fila prosesu, tribunal bele homologa existensia de keixa.

Maibe krime arma branka tribunal kontinua halao julgamentu, tanba prosesu nee nia natureza krime publiku, nia pena husi tinan 3 to’o tinan 6 prizaun.

MP haree katak, faktus neebe iha loos duni, tanba arguidu uza maubeka ameasa lezadu, tanba la selu lezadu nia osan. Tanba nee MP la iha duvidas ba krime arma branka, no solisita ba iha tribunal atu aplika pena prizaun tinan 3 suspende tinan 4 ba arguidu.

No pena suspensaun nee, MP garante atu iha futuru arguidu labele halo tan hahalok nee.

Enkuantu husi parte defeza arguidu nian, deklara motivu husi akontesimentu ida nee, tanba arguidu ezije nia direitu nuudar traballador hanesan iha kontratu laran.

Tanba arguidu ho lezadu servisu hamutuk, arguidu nuudar badaen, lezadu nuudar pemborong, sira halo uma andar, maibe lezadu la kompre tuir nia promesa neebe lezadu husik tiha, arguidu ezije nia direitu laos dala ida, maibe beibeik, tanba nee arguidu sente prezudikadu ba nia osan restu ho montante US$ 2,25 neebe iha.

Audensia julgamentu nee, prezide husi juiz kolektivu Afonso Carmona, Albertina Neves, Ercilia de Jesus, Ministeriu Publiku reprezenta husi Prokurador Claudio Ximenes, arguidu hetan asistensia legal husi Defensoria Publiku Henrique Mariz.* Notisia kompletu Lee iha jornal STL edisaun Kuarta (13/20/2022).

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...