Mane Ida Mate Derepenti iha Apartamentu Laran

Komunidade Hudi-Laran iha Kuarta dia 17 Fevereiru 2021, sente hakfodak ho ema mane ida ho idade maizumenus 40. (Foto: Espesial)

DILI, STLNEWS.co – Komunidade Hudi-Laran iha Kuarta dia 17 Fevereiru 2021, sente hakfodak ho ema mane ida, idade maizumenus 40 ho inisial MCS, lakon nia vida alias mate iha apartamentu balu iha area Hudi-Laran iha kuartu apartamentu numeru 15, tanba deskonfia konsume ai-moruk balun ho feto.

Tuir fontes konfirmadu dehan, antes nee matebian ho feto ida mai toba iha fatin nee maizumenus tuku 12:00 OTL. Nunee liu oras balun deit feto neebe mai ho matebian halai sai mai liur informa katak, mane neebe mai ho nia desmaia hela iha kuartu numeru 15 nia laran.

“Labarik feto nee halai sai mai fo hatene katak maun nee iha kuarta numeru 15 neeba desmaia. Rona tiha informasaun nee sira halai ba haree atu ajuda, too iha neeba maun nee latan hela iha kama laran,” katak fontes konfirmadu nee ba STL iha fatin akontesementu, Suku Bairru- Pite, Kuarta (17/2/2021).

Tuir fontes nee, hafoin feto nee informa ba parte responsavel apartamentu konaba kondisaun matebian, feto nee halai sai husi areadores akontesementu ho taxi fila kedas. Sidadaun neebe lakon ona vida nee husi Liquidoe, Munisipiu Aileu.

Hafoin akontesimentu, iha tuku 14:30 OTL parte Polisia Nasional Timor-Leste (PNTL) liu husi forensik ho ambulansia too kedas iha fatin akontesimentu hodi lori kedas mate isin ba Hospital Nasional Guidu Valadares (HNGV) hodi halo autopsia.

Antes notisia nee tuun seidauk hetan konfirmasaun husi parte PNTL kona-ba matebian mate ho motivu saida lolos. Maske deskonfia antes nee metebian tama iha apartamentu nee lao ho feto ida.*

Reportajen: Alberto Menezes
Editor: Germano de Sousa

LEAVE A REPLY

Please enter your comment!
Please enter your name here