MP Alega AJS Pena Prizaun Fulan Neen

DILI, STLNEWS.co – Ministeriu Publiku liu husi nia alegasaun final, solisita ba iha tribunal singular atu aplika pena prizaun fulan neen supende tinan rua ba arguidu AJS, neebe halo violensia hasoru lezada inisial LR.

Iha alegasaun nee ministeriu publiku hare katak, maske arguidu la marka prejensa iha tribunal, maibe MP mantein ho akuzasaun neebe iha, no deklarasaun husi lezada no sasin.

Ministeriu Publiku hare katak la iha duvidas atu aplika pena suspensaun ba arguidu, tanba iha lezada nia deklarasaun deklara katak, arguidu basa nia tebe dala ida, no sasin rasik deklara mos hare ho matan arguidu baku lezada.

Tanba nee iha alegasaun, MP husu tribunal atu aplika pena prizaun fulan neen suspende tinan rua ba iha arguidu.

Enkuantu husi parte defeza nian, solisita ba iha tribunal atu aplika justisa neebe justu ba iha arguidu. Rona tiha parte rua, tribunal adia ba loron 30 fulan nee hodi rona leitura sentensa.

Tuir faktus katak, iha loron 25 fulan Abril tinan 2020, lezada lao halimar ba iha tasi ibun, hetan nia kolega ka sasin PA sira rua koalia halimar hela, no arguidu too baa basa kedan lezada no depois kontinua atu baku tan sasin maibe sasin ses an tiha.

Konsekuensia husi arguidu nia hahalok nee halo lezada sente moras, hodi ba hatoo keixa.

Ministeriu Publiku akuza arguidu ba iha krime violensia domestika ho forma ofensa integridade fisika simplea neebe previstu husi artigu 145 husi KP.

Iha sala julgamentu arguidu la marka prejensa. Lezada deklara katak, faktus neebe iha loos hotu arguidu baku duni lezada, no mosu problema nee sira rua la iha tan kontaktu ona. No lezada deklara tan, tuir informasaun neebe iha arguidu ba tiha ona rai liur.

Sasin mos deklara tan katak, arguidu baku duni lezada no sasin hare ho matan, maibe too agora sasin la hare ona arguidu.

Audensia julgamentu nee prezide husi juiz singular Afonso Carmona, MP reprezenta husi prokuradora Ivonia Guterres, no arguidu hetan asistensia legal husi Defensor Publiku.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: