MS Perdua Namoradu Iha Tribunal

DILI – Lezada MS lakohi ho hasoru ninia namoradu, mak arguidu SS baku lezadu ho rezulta moras no kanek oi-oin.

Tuir akuzasaun husi Ministeriu Publiku neebe Tribunal lee sai katak iha loron 20 Jullu 2016 oras la termina iha area Pantai kepala besik pertamina oin, suku Komoro lezada hetan baku husi lezada nia namoradu arguidu SS hanesan baku hodi kapaste iha nia ulun dala ida basa dala ida iha parte ibun hetan bubu no ran sai barak.

Tuir mai arguidu mos kontinua tuku dala tolu iha parte kidan sente moras no bubu, arguidu baku lezada tanba iha dader arguidu telefoni ba lezada, lezada la atende tanba lezada foin fila husi Viqueque sente kole no deskansa.

Konsekuensia husi arguidu nia hahalok nuudar halo lezada nia ran sai husi ibun no moras, bubu iha kotuk laran. Tanba nee mak Ministeriu Publiku akuza arguidu sai hanesan autór material ba   krime violensia domestika iha artigu 145 tuir kodigu penal Timor-Leste ninian.

Kuandu lee hotu tiha akuzasaun, Tribunal mos husu ba lezada atu dada fali keixa ka kontinua julgamentur tanba kazu refere konsidera nuudar semi publiku no lei fo dalan bainhira lezada hakarak dada fali keixa husi bulletin de votu.

Iha fatin hanesan lezada mos informa ba Tribunal katak lezada hakarak dada fila fali kazu no hakarak rezolve tuir familia deit. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...