MUTL Kondena Makaas Oknum PNTL Baku Negosiante Nuu

DILI, STLNEWS.co – Movimentu Estudante Timor Leste (MUTL) kondena makaas oknum Polisia Nasional Timor Leste (PNTL) neebe halo agresaun fiziku hasoru negosiante ambulante roda tolu iha Tasi tolu iha loron Domingu (23/05/2021) liu ba.

“MUTL kondena makaas asaun bandalismu no brutalisrnu husi membru oknum PNTL, neebe halo agresaun fiziku hasoru negosiante ka vendedores ambulante roda tolu,” tenik portavoz MUTL, Denis Saebako ba jornalista sira, liu husi konferensia imprensa, iha kampus Liceu UNTL, Dili, Kuarta (26/05/2021).

Nia dehan, MUTL rejeita deklarasaun komadante PNTL neebe defende liu ba nia membru no rejeita total deklarasaun Prezidente Parlamentu Nasional (PPN), neebe fo sai nia deklarasaun katak laos membru PNTL maka baku vendedores, ho deklarasaun hirak nee MUTL husu ba autoridade kompetente hanesan Ministeriu Interior hodi hatun ekipa ida atu halo investigasaun ba kazu nee.

MUTL husu ba Komandu Jeral PNTL, atu espulsa oknum PNTL neebe halo agresaun fiziku hasoru vededores nain rua faan nuu iha fatin Tasi Tolu. Sira mos husu ba Parlamentu Nasional Komisaun B hodi tun diretamente ba halo fiskalizasaun ba kazu refere no organizasaun indepedente sira atu nafatin akompana kazu nee too hetan solusaun.

Iha fatin hanesan membru MUTL, Asala Vicente hatete, kazu sira hanesan nee virus sira neebe iha tempu kolonial ou okupasaun nian. Hanesan jerasaun foun ka jerasaun patriota lori MUTL nia naran kondena aktu nee, tanba aktu hanesan nee la bele.

“Ita nia militar kualker iha neebe deit kuandu atuasaun nee tenki professional, tanba militar hanesan hau nia kolega no kolega sira seluk nia katuas iha ai laran, kuandu ema sivil ida liman kona ita mak ita foin halo asaun, maibe asaun ida neebe grave liu, laos foin koalia deit militar hasai ona nee laos militar, nee ami konsidera bandidu,” dehan Vicente.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: