Naok Motor Arguidu Tama Prizaun

DILI, STLNEWS.co – Tribunal Distrital Dili (TDD) liu husi despaixu ba prosesu primeiru interogatoriu, aplika medida prizaun preventiva ba arguidu nain rua (2), no aprezentasaun periodika ba arguidu nain ida (1).

Iha despaixu ikus nee, juiz titular haree katak, arguidu nain rua (2) neebe hetan prizaun preventiva, tanba iha indisius forte, no prienxe duni rekezitus ba krime Furtu Agravadu no Falsifikasaun Dokumentus.

Tanba nee, tribunal deside aplika medida aprezentasaun periodika ba arguidu ho inisial G, no prizaun preventiva ba arguidu inisial A ho T.

Prosesu ida nee, Ministeriu Publiku promove arguidu ba iha krime rua, fortu agravadu no falsifikasaun dokumentus, fortu agravadu neebe previstu iha artigu 252 kodigu penal, no krime falsifikasaun dokumentus neebe previstu iha artigu 303 husi kodigu penal lei Timor nian.

Iha alegasaun final, Ministeriu publiku husu  tribunal atu aplika medida koasaun prizaun preventiva ba arguidu nain tolu hotu (3), maibe parte defeza husu aprezentasaun periodika ba arguidu nain ida, tanba razaun nia tuir deit arguidu nain rua.

Depois despaisu husi tribunal, tuir Defeza Albino De Jesus Pereira katak, sira nia hahalok nee laos foin halo, maibe beibeik ona.

“Hau nuudar defeza ba arguidu sira, hau la halo rekursu hasoru desizaun tribunal nian, tanba arguidu sira konfesa faktus hotu, dehan nia ba STL Kinta nee (16/09/2021).

Nia hatutan, deklarasaun arguidu sira nian tribunal apresia hodi aplika prizaun preventiva, tanba arguidu nain rua nee prienxe duni ba krime fortu agravadu ho falsifikasaun dokumentus, tanba troka motor nia plat para ema nain la bele konese.

Prosesu primeiru interogatoriu nee, prezide husi juiz titular Argentinu Nunes, Ministeriu Publiku reprezenta husi Prokurador Jacinto da Costa Babo, arguidu sira hetan asistensia legal husi Defensor Publiku Albino de Jesus Pereira.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...