Naok Telefone, JB Submete Prizaun

DILI, STLNEWS.co – Tribunal Distrital Dili (TDD) liu husi despaixu ikus ba prosesu primeiru interogatoriu iha loron Segunda (20/09/2021), aplika medida prizaun preventiva ba iha arguidu JB.

Iha prosesu nee, Ministeriu Publiku promove arguidu ba iha krime furtu agravadu.

Rona tiha deklarasaun husi arguidu, tribunal iha despaixu ikus aplika medida prizaun preventiva ba iha arguidu.

Iha alegasaun, Ministeriu Publiku husu tribunal aplika medida prizaun preventiva ba arguidu, tanba konsidera iha indísiu forte.

Enkuantu, iha alegasaun defeza nian, husu tribunal atu aplika medida aprezentasaun periodika ba arguidu.

Tuir faktus katak, arguidu hetan kapturasaun husi polisia iha loron 17 fulan nee, iha Bairru Pite.

Iha momentu neeba, arguidu kalan tama ema nia uma, uza kanuru boot selok janela mak tama ba naok telefone rua.

Arguidu subemete mai tribunal iha loron Domingu (19/09/2021), no ohin loron Segunda (20/09/2021) foin desizaun ba prosesu nee.

Prosesu primeiru interogatoriu nee, prezide husi juiz singular Afonso Carmona, MP reprezenta husi Prokurador Domingos Barreto, arguidu hetan asistensia legal husi Defensor Publiku.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...