Oan Husu Eskola, Aman Tuda Naan-Tudik

DILI – Tamba deit oan husu eskola no la iha tempu atu serbisu hodi faan naan mak arguidu nuudar aman ho nervozu tuda ho naan neebe mak tudik iha laran hodi rezulta kanek iha lezadu ninia kabun mamar.

Liu husi akuzasaun husi Ministeriu Publiku neebe mak tribunal lee sai katak iha loron 10/02/2016 iha Aileu Jose Madeira, lori naan tuda nia oan Pedro Madeira Maia nia la hatene katak tudik iha laran hodi hakanek Pedro.

Tamba lezadu nuudar arguidu ninia oan lakohi halo tuir ninia aman ninia hakarak hodi koa naan kulit hodi ba faan maibe ba fali eskola. Tamba nee, arguidu nervoza foti tudik tuda tuir lezadu no konsege kona duni lezadu ninia kabun mamar naklales hotu. Tamba nee, abo lori kedas ba iha ospital hodi halo tratamentu no suku iha kabun mamar dala ualu.

Ho arguidu ninia hahalok Minsteriu Publiku akuza arguidu nia hahalok ho krime ofensas integridade fizika simples neebe mak previstu iha kodigu penal.

Hatan ba akuzasaun nee, arguidu konfesa ba tribunal katak faktus nee los hotu no rekuinese nia mak tuda duni lezadu. No, arguidu mos tuda la imajina katak tudik mos iha hela naan laran hodi tuda tuir lezadu. Ho arguidu ninia hahalok lezadu nuudar oan hetan kanek no oan no suku iha kabun mamar dala 8.

Iha fatin hanesan, tuir Pedro Madeira Maia katak konsekuensia husi arguidu ninia hahalok lezadu la bele tama eskola durante semana rua.

Hafoin rona tiha deklarasaun husi arguidu no testemuna, tribunal submete kedas ba iha alegasaun final. Ministeriu Publiku husu ba tribunal atu aplika pena prizaun fulan 6 no suspende tinan rua atu arguidu bele rekuinse ninia sala no atu labele halo tan iha futuru. Husi parte defesa husu ba tribunal atu aplika pena prizaun fulan 3 no suspende tinan tolu atu arguidu iha futuru labele repete hahalok neebe mak hanesan. Ba iha desijaun final tribunal marka loron 10/02/2017 iha horas 09.30 dadersan. Informasaun kompletu iha STL Jornal no STL Web, edisaun Kuarta (1/2/2017). Domingos Piedade Freitas

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...