Oknum PNTL Tiru Komunidade Nain 3, 2 Mate; Familia Husu Justisa

DILI, STLNEWS.co – Oknum PNTL ho inisial M, iha dader madrugada mais ou menus tuku 02:15, uza arma ka pistola tiru komunidade nain tolu iha Ai-Nitas, Suku Lahane Osidental. Akontesementu nee hamate kedas joven nain ida mate fatin, ida lori ba ospital la konsege salva, no ida seluk oras nee halo hela tratamentu iha HNGV.

Tuir familia matebian Fransisco Borges katak, trajedia neebe akontese ohin dader madrugada tuku 2 ho balun ba sira nia familia, iha akontesimentu nee oknum polisia ho naran M lori pistola ba asaltu iha matebian sira nia uma, hodi hamate kedas sira nia subrinu Camilo mate fatin, no sira nia Tiu Filomeno neebe konsege lori ba HNGV maibe la konsege salva vida. Ida neebe konsege salva mak vitima Jento hanesan mane foun, neebe oras nee halo hela tratamentu iha Ospital, tanba nia hetan tiru iha ain.

Ho hahalok oknum polisia nee, parte familia sente triste tebes, tanba halo asaltu ba sira nia uma hodi tiru mate kedas ema nain rua. Ho asaun nee familia husu ba PNTL no justisa, atu haree didiak hahalok aat husi oknum nee.

“Ami familia husu ba parte justisa atu haree didiak, husu mos ba PNTL atu haree didiak hahalok nee. Polisia iha regra no formasaun los ka lae. Se los mak bele uza arma nee, no arma nee atu uza iha sa tempu. Polisia nia mentalidade nee los ka lae, tanba ba asaltu iha povu kiik nia uma, iha oras ema toba nian. Tanba nee husu ba instituisaun PNTL atu haree didiak hahalok aat sira nee, tanba iha ema balun mak hakarak atu estraga imajem nasaun nian,” haktuir nia ba STL iha HNGV, Sabadu (05/06/2021).

Nia hatutan, parte familia lamenta ho hahalok nee. Tanba agora nasaun RDTL ukun an ona maibe sei nafatin akontesimentu hanesan iha tempu okupasaun nian. Arma nasaun nian nee, tuir los hodi proteje povu kiik sira, maibe realidade neebe iha oin seluk fali.

Entretantu iha parte seluk, tuir informasaun neebe mak STL asesu husi fontes konfirmadu balun katak, depois akontesimentu nee joven iha bairru laran halo asaun hasoru oknum polisia hodi tuda no harahun nia uma, hodi nunee familia fen ho oan sira oras nee hamahon an iha uma mahon.*

Reportajen: Ekipa STL
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: