PDHJ Simu Keixa 61, Barak Envolve Husi Oknum PNTL

DILI, STLNEWS.co – Hahu husi fulan Janeiru too mai agora inklui mos estadu emerjensia, Proveder de Direitos Humanos e Justiça (PDHJ) simu keixa hamutuk 61, neebe hatoo husi sosiedade sira. Dehan Diretora Diresaun Asistensia Publika, Elsa do Rozario Viegas da Costa ba STL, iha nia knaar fatin Caikoli, Dili, Kinta (15/04/2021).

“Husi fulan Marsu hahu estadu emerjensia too mai agora, PDHJ simu keixa haat, tolu mai husi municipiu Dili, ida mai husi munisipiu Covalima,” dehan Elsa.

Nia hatutan, keixa husi munisipiu Dili nee mak oknum PNTL ida halo agresaun hasoru sidadaun ida iha Taibessi, ida mak iha Tibar basa funsionariu saniamentu, ida maka membru konjunta oknum F-FDTL halo kapturasaun sidadaun ida iha Bemori lori ba sala izolamentu Hotel Novo Horizonte Metiaut, no iha iha Covalima nee agresaun fiziku husi membru COE ida ba Xefe Aldeia iha Fatumea.

Keisa jeral husi fulan Janeiru too mai agora nee hamutuk 61, no keixa konaba violasaun direitu humanus iha 33, indisus ba boa governasaun iha 28, keixa neebe hatoo husi feto 13, husi mane 46 no keixa rua seluk hatoo maibe la iha tau nia indentidade, tanba nee konsidera keixa anonim.

Hatan konaba oinsa prosesu hirak nee, Diretora nee dehan keixa neebe liga ho estadu emerjensia, funsaun provedoria nian haruka ona karta ba iha Primeiru Ministru ba mos Komando Jeral, no refere ona mos kazu sira nee ba iha Ministeriu Publiku.

Nunee mos ba prosesu neebe iha loke ba iha investigasaun 12, haruka mos notisia do krime ba Ministeriu Publiku kazu 7, loke refere iha kazu 4, taka haruka ba instituisaun respondente sira iha 17, taka arkiva 3, no iha 18 mak seidauk halo relatoriu avaliasaun pre-eleminar.

No tuir dadus neebe iha, keixa sira neebe iha envolve barak liu husi oknum PNTL, no keixa neebe ba hatoo direitamente husi sidadaun sira ba iha PDHJ diretamente hamutuk 39, keixa neebe hatoo husi karta 17, husi telefone 3, husi e-mail 1, no whatsaap 1.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: