PNTL Buka Tuir Suspeitu Soe Bebe

DILI, STLNEWS.co Segundu Komandante Polisia Nasional Timor Leste (PNTL) Munisipiu Dili, Superintendente Joao Sancho informa, PNTL sei buka tuir suspeitu neebe mak soe bebe feto ida iha lixu areadores Delta-2 nian.

Nia dehan, ohin simu ona informasaun husi eskuadra Dom Aleixo i kontaktu kedas ba Delta-2, no Delta-2 orienta kedas sira patrollamentu iha fatin akontesimentu neeba, hodi halo identifikasaun.

“Tanba nee, ita mos iha ona video balun neebe mak iha, nunee ita mos hein hodi buka tuir nafatin ema neebe mak soe bebe nee, no bebe nee feto ida, soe ho kaisa no falun ho plastiku hodi soe iha fatin nee. Por volta soe bebe nee tuir ita haree iha video, iha tuku 17:30 madrugada,” dehan nia ba jornalista sira iha nia knaar fatin Caicoli, Dili, Kinta nee (16/09/2021).

Nia hatete, investigasaun husi komando mos rekolla ona evidensia sira neebe mak akontese iha neeba, no konaba labarik infantesídiu neebe mak soe hela iha fatin refere.

Nia hatutan, sira nafatin tenta hodi buka tuir autor nee, tanba iha fulan ida nee nia laran foin mak akontese tan ba dala ida.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...