PNTL Detein Autor Nain 4 Tuda Ambulansia Iha Viqueque

DILI, STLNEWS.co – Polisia Nasional Timor Leste (PNTL), Munisipiu Viqueque detein ona suspeitu nain 4, tanba tuda kareta ambulansia iha Suku Afalokai Postu Admnistrativu Uatulari, Munisipiu Viqueque, oras nee dadauk iha hela sela detensaun Komandu Viqueque.

Portavoz Komando Jeral PNTL, Superintendente Xefe Arnaldo Araujo hatoo kestaun nee ba jornalista sira, liu husi konferensia imprensa, neebe halao iha nia knaar fatin Caicoli Dili, Segunda (10/05/2021).

Nia dehan, insidente neebe akontese semana kotuk iha Viqueque semana kotuk (05/05/2021), suspeitu nain 4 neebe tuda ambulansia, PNTL kaptura ona no detein ona iha sela Komandu Munisipiu Viqueque.

“Sim polisia halo ona detein ba sira nain hamutuk nain 4, relasiona ho akontesimentu tuda ambulansia foin lalais nee no agora oras nee prosesu lao dadaun hela, i lori ona ba Ministeriu Publiku,” dehan nia.

Entretantu antes nee, portavoz Komando Jeral PNTL informa ona kronolojia husi akontesimentu nee iha loron Kuarta loron 5 fulan Maiu 2021, maizumenus oras tuku 19:16 OTL, bainhira ekipa postu saude Uatulari munisipiu Viqueque ba tula pasiente Covid-19 iha suku Afaloicai hodi hetan tuda husi ema deskonesidu balun.

“Ita hotu hatene katak iha loron Kuarta feira kalan data 5 fulan Maiu 2021, maizumenus iha oras 19:16 ekipa saude Postu Administrativu Uatulari-Viqueque, akompana ho ekipa jestaun krize, neebe tula pasiente Covid-19 iha Postu Admnistrativu Uatulari, Suku Afaloikai, ema deskonesidu balun tuda kareta ambulansia, rezulta vidru oin boot ho seluk tan rahun, tanba nee oras nee dadauk Komando PNTL Viqueque hamutuk ho nia membru PNTL sira iha hela fatin akontesimentu hodi halo identifikasaun nunee bele submete ba prosesu,” dehan nia.

Nia esplika, pasiente hamutuk nain lima feto ida no mane haat, lori mai iha sala izolamentu postu UNTL Viqueque nomos ema deskonesidu sira lasu ho pregu iha dalan, tanba nee maka ekipa sira mos hapara kareta hodi hetan kedas tuda husi ema deskonesidu sira iha fatin refere.

“Tanba nee atuasaun polisia munisipiu Viqueque oras nee dadauk iha hela fatin akontesimentu refere no hamutuk ho ekipa jestaun krize hodi tun ba iha fatin, nunee hodi identifika liu-liu iha area neebe maka akontese tuda ba,” dehan nia.

Nia hatutan, relasaun servisu entre Ministeriu Saude nomos PNTL sempre iha, maibe depende fali ba sidadaun sira nee, katak sira iha konsiensia kalae, tanba dalaruma sira subar iha aileet sira nee hodi hamosu bebeik insidente sira nunee.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: