PNTL Detein Joven 1 Laiha Karta Kondusaun

DILI, STLNEWS.co – Polisia Nasional Timor-Leste (PNTL) Munisipiu Dili, liu husi Unidade Tranzitu, detein joven mane ida ho inisial J, tanba konduz motorizada laiha karta kondusaun.

Komandante Tranzitu Munisipiu Dili, Inspetor Domingos Gama hatete, polisia detein iha loron 18 fulan Setembru, halo pasa revista suspeitu konduz hela motorizada iha area Farol nian. Nunee mos la uza kapasete, bainhira tama iha pasa revista suspeitu la kopera ho autoridade seguransa sira.

“Sidadaun nee laiha karta kondusaun, nee mak agora ita detein hela nia iha hela sela detensaun,” dehan Komandante Tranzitu Munisipiu Dili, Inspetor Domingos Gama ba jornalista sira iha nia knaar fatin Caicoli, Dili, Segunda nee (20/09/2021).

Gama hatete, dadaun nee suspeitu kumpre hela iha sela durante oras 72 hodi aprezenta ba Ministeiru Publiku (MP), hodi submete ba primeiru interrogatoriu iha tribunal, tanba tuir artigu 207 kodigu penal, kona-ba kondusaun sem karta ba ema neebe konduz veikulu motorizadu, maske laiha lisensa neebe lei ezije, sei hetan pena prizaun to’o tinan 2 ka multa.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...