PNTL Kaptura Joven Nain 7, Neebe Halo Krime Sekuestru

Segundu Komandate Munisipiu Dili, Superintendente Asistente, Euclides Belo. (Foto: STL/Claudios de Jesus)

DILI, STLNEWS.co – Polisia Munisipiu Dili kaptura ona joven nain hitu (7) neebe halo krime sekuestru hasoru joven ho tato anti Polisia, anti F-FDTL no anti BoP, neebe viral iha sosial media hamutuk ho nia kolega.

“Relasiona ho insidente neebe akontese loron 2 liu ba, ita akumula hotu ona informasaun, embora ida nee mos ita foti informasaun husi vitima nain 2 neebe mak viral iha sosial media, hodi foti sira nia deklarasaun hodi halo investigativu.” hatete Komandu Munisipiu Dili, Superintendente Polisia Euclides Belo, liu husi konferensia imprensa, Kuarta (24/03/2021).

Nia hatutan, liu husi investigasaun ba joven nain rua nee detekta formalmente iha grupu ida neebe komete iha krime sekuestru hasoru alin nain rua nee.

Gurpu neebe halo ona krime sirkuistru nee, Komandu Munisipiu Dili liu husi sesaun investigasaun kriminal, hatoo pedidu ba iha Ministeriu Publiku hodi bele hasai mandadu.

“Mandadu sai no too horisehik ita kaptura sira nain hitu no agora dadauk iha hela sela detensaun polisia nian,” dehan nia.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here