PNTL Kontinua Buka Suspeitu Naok Motor

Komandu Polisia Nasional Timor Leste (PNTL) Munisipiu Dili, Superentendente Xefe Henrique da Costa. (Foto: STL/Claudios de Jesus)

DILI, STLNEWS.co – Operasaun neebe PNTL Munisipiu halao iha semana kotuk, konsege kaptura suspeitu nain tolu neebe naok motor no oras nee ninia prosesu hetan ona desizaun.

Komandu Polisia Nasional Timor Leste (PNTL) Munisipiu Dili, Superentendente Xefe Henrique da Costa hatete, suspeitu nain tolu neebe PNTL kaptura ona, iha loron 12 Dezembru semana kotuk nee lori kedas ba iha prizaun Becora hodi kumpri prizaun preventiva.

“Ita mos sei iha tan prosesu kontinuasaun, tanba sei iha tan ema balu maka ita promove hela mandadu detensaun ba sira, nunee ita bele ezekuta hodi buka tan sira,” hatete nia iha komando Munisipiu Dili, Caicoli, Segunda, (14/12/2020).

Nia hatutan, oras nee PNTL konsege hetan fali ona motor neebe mak lakon no konsege hetan ona motor hamutuk 10, maibe evidensia balu sei iha Baucau, tanba nee Komandu Munisipiu Dili halo ona komunikasaun ho Komandante husi Baucau, hodi bele hare ba evidensia refere.

Nia salenta katak, PNTL mos identifika ona, katak balu mos iha area Manu Fahi (Same), no barak iha area Dili nian, tanba nee operasaun sei nafatin buka tuir.

Komandante nee mos sita kona ba suspeitu naok motor iha Munisipiu Baucau, iha loron Sesta semana kotuk, PNTL konsege lori mai hodi halo identifikasaun no oras nee nia prosesu sei kontinua.

“Maibe sei hein tan ho sira balu neebe maka sei iha hela mandadu detensaun, ho nunee bele hetan para bele lori mai hotu.” dehan Komandante nee.

Nia salienta katak, motor hamutuk sanulu nee, laos deit suspeitu nain tolu nee mak naok, maibe sei ihatan suspeitu sira seluk neebe oras nee husi mandadu detensaun, PNTL sei buka tuir vitima sira nee.

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here