PNTL Rejistu Kazu Krime 1694

Komandante Polisia Nasional Timor Leste (PNTL), Munisipiu Dili, Superintendente Xefe Henrique da Costa. (Foto: STL/Claudios de Jesus)

DILI, STLNEWS.co – Durante tinan 2020 Polisia Nasional Timor Leste (PNTL), rejistu kazu Krime hamutuk rihun ida atus neen sianulu resin haat (1694).

Dehan Komandante Polisia Nasional Timor Leste (PNTL), Munisipiu Dili Superintendente Xefe, Henrique da Costa, ba jornalista sira iha nia knaar fatin Caicoli, Dili, Tersa (12/01/2021).

“Komandu munisipiu Dili iha tinan 2020 nian rejistu kazu krime hamutuk 1694, no kazu 1694 nee maioria liu maka ofensas integrade fisika simples, numeru hamutuk 543, tuir fali mâo estratu konjuntu ka violasaun domestika ninian nee nia numeru 213, inklui ameasa ho numeru 122, no furtu agravadu 111, nomos ofensa integradu fisika nee hamutuk 43,” dehan Superintendente Xefe Henrique.

Nia dehan, iha 2020 loron 1 Janeiru too loro 31 fulan Dezembru Komandu Polisia Munisipiu Dili rejista kazu krime hamutuk 1694, neebe mak sira temi nee hotu-hotu prosesu ba tribunal mak hamutuk numeru neebe iha.

“Hau sedauk iha dadus ba 2019 ninia maibe ba tinan ida nee nia kazu ladun barak ida neebe mak rejista 1694 nee barak liu maka eskuadra Dom aleixo ninian, tuir fali maka eskuadra Cristo Rei, ikus liu maka Atauro ninian,” dehan nia.

Enkuantu ho kazu sira nee, balun sei iha prosesu no lao hela, tanba depende mos rekursu humanu, no kazu nee balu sei pendente, no balun hetan ona desizaun.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here