PNTL Sei Buka Autor Sunu Bandeira Portugal

DILI, STLNEWS.co – Relasiona ho jogu Kopa Euro 2020 neebe joga husi nasaun Portugal hasoru Belgium neebe Portugal lakon, rezulta adeptus Portugal sunu bandeira Portugal, tanba nee Polisia Nasional Timor Leste (PNTL) sei buka tuir autor nee hodi halo prosesu investigasaun.

Video neebe viral iha sosial media faceboook no Whatsapp nee, adeptus Portugal sunu bandeira, tanba Portugal lakon iha Kopa Euro 2020 no la tama too 8 besar.

Portavoz Komandu Jeral PNTL , Superintendente Xefe Arnaldo Araujo hateten, iha ema balu nee laiha responsabilidade sunu bandeira Portugal, agora dadaun suspeitu sira nee Polisia Munisipiu Dili buka tuir hela. Hein katak, iha tempu badak suspeitu sira nee sei kaptura hotu no halo prosesu tuir regras neebe mak iha.

“Tuir lolos ita labele sunu bandeira, ita bele sai adeptus fanatikus ba nasaun ida, tenke prontu karik nia lakon mos tenke simu ho laran luak, simu ho laran kaman labele sunu fali bandeira ka simbolu nasaun ninian, nee hatudu katak ita la respeita ema nia nasaun sira seluk, tanba nee ita nafatin buka tuir nia hodi halo prosesu investigasaun,” dehan nia ba jornalista sira liu husi konferensia imprensa iha nia knaar fatin Caicoli, Dili, Segunda (28/06/2021).

Nia husu nafatin ba komunidade sira atu labele komete tan erru ida nee no kumpri lei no regras neebe vigora iha rai nee, se nasaun neebe mak apoiu nee lakon tenki prontu lakon ona lalika halo oi-oin, no dala ida tan husu ba ema hotu atu suporta ho diak no disiplina respeitu ida-idak nia asaun, liu-liu ba simbolu nasaun.

“Hahalok ida nee konsidera krime, tanba nee polisia sei buka tuir hela autor hirak nee para hodi halo prosesu tuir lei no regulamentu neebe mak vigor iha rai ida nee,” dehan nia.

Insidente nee rasik mosu husi joven adeptu balu neebe sunu bandeira nasaun Portugal nian, hafoin asiste jogu Kopa Euro iha loron Segunda (28/06/2021) tuku 04:00 OTL madrugada.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: