PNTL Sei Investiga Kazu Tuda Ambulansia Iha Afaloicai

DILI, STLNEWS.co – Komando Jeral PNTL, liu husi portavoz Komando jeral PNTL, servisu hamutuk ho Komando PNTL munisipiu Viqueque, sei kontinua buka tuir autor sira neebe tuda kareta ambulansia iha suku Afaloicai, Postu Administrativu Uatu Lari, Munisipiu Viqueque hodi submete ba prosesu investigasaun.

Portavoz Komando Jeral Polisia Nasional Timor Leste, Superintendente Xefe Arnaldo de Araujo informa kestaun nee ba jornalista sira, liu husi konferensia imprensa iha nia knaar fatin Komjer Caicoli Dili, Kinta (06/05/2021).

Nia dehan, akontesimentu nee akontese iha loron Kuarta dia 05 fulan Maio 2021, mais ou menus oras tuku 19:16 minutu bainhira ekipa postu saude Uato Lari munisipiu Viqueque ba tula pasiente Covid-19, iha suku Afaloicai hodi hetan tuda husi ema deskonsidu balun.

“Ita hotu hatene katak iha loron Kuarta feira kalan data 05 fulan Maiu 2021, mais ou menus iha oras 19:16 ekipa saude, postu Postu Uatulari Viqueque, akompana ho ekipa jestaun krize, neebe tula pasiente Covid-19, iha Postu Admnistrativu Uatu Lari Suku Afaloicai, ema deskonesidu balun tuda kareta ambulansia rezulta vidru oin boot rahun, nomos vidru odamatan parte kondutor iha kuana mos rahun, tanba nee oras nee dadauk Komando PNTL Viqueque hamutuk ho nia membru PNTL sira iha hela fatin akontesimentu hodi halo identifikasaun nunee bele submete ba prosesu,” dehan nia.

Nia esplika, pasiente hamutuk nain lima feto ida no mane haat, lori mai iha sala izolamentu postu UNTL Viqueque nomos ema deskonesidu sira lasu ho pregu iha dalan, tanba nee mak ekipa sira mos hapara kareta hodi hetan kedas tuda husi ema deskonsidu sira iha fatin refere.

“Tanba nee atuasaun polisia munisipiu Viqueque oras nee dadauk iha hela fatin akontesimentu refere no hamutuk ho ekipa jestaun krize hodi tun ba iha fatin nunee hodi identifika liuliu iha area neebe mak akontese tuda ba,” dehan nia.

Nia hatutan, relasaun servisu entre Ministeriu Saude nomos PNTL sempre iha, maibe depende fali ba sidadaun sira nee, katak sira iha konsiensia kalae, tanba dalaruma sira subar iha aileet sira nee hodi hamosu bebeik insidente sira nunee.*

Reportajen: Efizenia da Costa
Editor:Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: