Presu Material Konstrusaun Sae, Husu Governu Kontrola

DILI, STLNEWS.co – Presu material konstrusaun hahu sae iha loja Xineza nian, problema nee akontese, tanba kompania importador sira difisil atu hatama material konstrusaun tama mai Timor Leste. 

Tuir Jose Moniz, hanesan traballador neebe servisu iha loja Xina nian hatete, presu material konstrusaun foin sae iha loron ida rua nia laran, tanba tuir informasaun katak, kompania importador sira difisil atu hatama sasan konstrusaun mai TL.

“Hanesan traballador, ami ladun hatene problema nee, tanba saida maka sasan folin sae derrepente, maibe tuir informasaun husi patraun sira katak, sasan sira nee susar atu to’o lalais mai TL, tanba prosesamentu portu nasaun importador sira nee lori tempu, tan nee halo presu iha rai laran mos sae,” dehan nia ba jornalista Tersa nee (05/10/2021) iha Tasi Tolu.

Nia katak, besi ukuran 10 kali 10 uluk nia folin US$ 27, agora sae ona US$ 37 dolar,  besi 4 kali 6 antes nee nia folin US$ 7, agora sae ona US$ 11, besi 3 kali 3 folin antes US$ 4.50, agora sae ba US$ 5.25, besi kiik 2 kali 2 antes folin US$ 3.75, agora sae ba US$ 4.75 no sementi antes nee US$ 4, agora sae ona ba US$ 5 kada saka. 

Iha parte seluk reprezentante povu iha uma fukun Parlamentu Nasional,  Deputada Olinda Guterres hatete, governu liu – liu parte AIFAESA tenke tuun ba baze hodi halo akompanamentu ba presu material konstrusaun, selae susar tebes ba povu kbiit laek atu sosa, tanba agora tempu rai susar.

“Hau hanoin presu material sae, tanba AIFAESA ladun halao nia knaar ho seriu, hodi kontrola iha baze, tanba nee maluk Xinesa sira bele uza oportunidade ida nee hodi manipula presu, husu ba governu identifika lolos, tanba sa maka sasan folin sae makaas hanesan nee,” lamenta deputada nee.

Nia hatutan, maluk Xina sira neebe mai buka moris iha TL, tenke adapta tuir moris povu kiik*

Reportajen: Madalena Horta/Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...