Problema Eletrisidade Suspeitu Pozitivu Covid-19 Baku Pesoal Saude

DILI, STLNEWS.co – Suspeitu pozitivu Covid-19 nain 4 halo agresaun fiziku (baku) hasoru pesoal saude (mediku) iha izolamentu Tasi-Tolu, tanba husi problema tekniku konaba energia eletrisidade, halo bee la sai durante loron 2.

Liafuan nee haktuir husi Komandante Polisia Nasional Timor Leste (PNTL), Munisipiu Dili, Superintendente Xefe Henrique da Costa ba jornalista liu husi konferensia Imprensa iha Komando Polisia Municipio Dili Caicoli, Sesta (30/04/2021).

“Iha loron 19 de Abril 2021 oras 01:30 Otl, mosu insidente obstrusaun ba autoridade publiku husi suspeitu nain haat (4) hasoru pesoal saude nain ida (1), iha fatin izolamentu Tasi-Tolu,” hatete nia.

Nia hatutan, suspeitu nain 4 nee ho naran inisisal, JMA, MDESP, NCDA, no DDAM, sira nuudar pasiente pozitivu Covid-19 neebe mak halo hela tratametu iha izolamentu Tasi-Tolu.

Henrique esplika, insidente nee rasik tanba iha problema tekniku konaba energia eletrisidade neebe mak fraku, hodi fo impaktu ba ahi lakan la normal.

“Bee menus, tanba makina supa bee labele halo servisu durante loron 2, suspeitu nain 4, sai husi sira nia fatin hodi halo protesta (hakilar) hasoru Xefe Saude iha izolamentu Tasi-Tolu, no tenta atu baku Xefe de Saude,” dehan Komandante Polisia Nasional Timor Leste (PNTL), Munisipiu Dili, Superintendente Xefe Henrique da Costa.

Nia hatutan, ho asaun neebe mak sira nain 4 halo hasoru Xefe Saude iha izolamentu nee, ho nunee pesoal (lezadu) ho inisial HCDJ, nuudar mediku tenta hakalma suspeitu sira. Iha momentu nee kedas suspeitu nain 4 halo agresaun fizika hasoru lezadu, no rezulta lezadu nia rentos bubu.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: