Serbisu La Iha, Afonso Faan Animal Protejidu

DILI – Faan animal neebe mak lei bandu ou animal protejidu mak hanesan Manu Loriku, Kakatua, Manu Makikit no seluk tan, arguidu Afonso Alves tenke hatan iha Tribunal Distrital Dili (TDD) hodi fo nia presta deklarasaun ba ninia hahalok.

Tamba nee, iha Julgamentu Ministeriu Publiku akuza arguidu sai hanesan autor material ba krime espesie tuir artigu 218, numeru 1 ho kodigu penal Timor-Leste nian. Tamba, kontra espesie ka subespesie klarifikasaun hanesan perigu atu hotu sei hetan pena prizaun tinan 5 ka multa. Ministeriu Publiku mos akuza arguidu komete mos krime dez obediensia iha artigu 244 kodigu penal Timor-Leste nian.

Tuir akuzaun husi Ministeriu  Publiku neebe mak Tribunal lee sai katak, iha loron 24 Agosto tinan 2015, tuku 15:00 otl, iha momentu neeba guarda floresta halo operasaun iha Dili laran hodi buka tuir ema neebe mak faan animal hirak neebe mak protejidu.

Maibe, Polisia Nasional Timor Leste halo operasaun iha loja Sigma nia oin, derepente deit arguidu Afonso Alves mos atravesa loja Sigma nia oin hodi leba hela leba hela manu loriku rua iha rede laran. Tamba, arguidu leba hela manu protejidu polisia sira bolu kedas arguidu maibe arguidu buka hodi halai ses husi kapturasaun polisia nian.

Iha akuzasaun nee mos arguidu deklara katak durante nee faan bebeik ona animal fuik hanesan manu Kakatua, Manu Loriku, Manu Makikit no mos Leki-Rauk maske lei bandu maibe arguidu kontinua faan animal hirak nee.

Hatan ba akuzasaun nee arguidu Afonso Alves mos deklara ba Tribunal katak faktus nee los hotu. No, arguidu mos rekuinhese katak faan manu fuik inklui animal sira seluk hahu iha tinan 2001 too tinan 2015. Arguidu mos konfesa ba tribunal katak kuandu polisia kaer nee mak arguidu foin para hahalok nuudar faan manu animal protejidu hirak nee.

Hau faan manu nee sosa husi ema seluk ho folin Lima belas dolar ($15), hafoin mak hau faan tutan ho volor ($20) no hau faan manu nee tanba servisu la iha no sustenta nesesidade uma laran nian,”dehan arguidu ba Tribunal, TDD, Sesta (02/03/2017).

Nia mos dehan tan katak, mosu tiha akontesimentu nee arguidu entrega manu animal hirak nee ba iha polisia no agora dadaun nee manu iha polisia nia liman.

Rona tiha deklarasaun husi parte rua, Tribunal husu ba Ministeriu Publiku atu halo alegasaun. Liu husi alegasaun Ministeriu Publiku husu ba Tribunal atu fo pena neebe mak justu tanba arguidu rekoinese rekuinhese duni ninia sala. Katak arguidu mak fan manu nee desde iha 2001 too tinan 2015 tamba atu sustenta nesesidade uma laran nian. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...