Sidadaun 2 Tama Sai Dili Ho Dokumentus Falsu

DILI, STLNEWS.co – Polisia Postu Vijilansia Tasitolu detein sidadaun nain rua (2) neebe falsifika dokumentus falsu, (Gia de Marsa tahan 2, nomos atestadu mediku tahan 1), hodi halo viajen tama sai dili.

Liu husi konferensia imprensa, Komandante Polisia Munisipiu Dili (KMD), Superintendente Xefe Henrique da Costa ba jornalista sira hatete, iha dia 06 de Maiu 2021, iha oras tuku 03:00, parte Polisia Postu Vijilansia Tasitolu nian halo passa revista ba iha sidadaun hirak neebe sai no tama munisipiu Dili.

“Objetivu husi passa revista nee hodi buka hatene lolos sidadaun sira neebe tama sai husi munisipiu Dili iha karta autorizasaun husi Sentru Integradu Jestaun Krize neebe mak sei validu,” hatete nia ba jornalista sira iha Komando Polisia Munisipiu Dili, Caicoli, Sesta (07/05/2021).

Nia hatutan, polisia konsege deskobre kareta ida ho marka Suzuki Carry kor mutin, ho numeru matrikulla A.20-020 TL, hamutuk ho sidadaun nain rua iha kareta laran.

Komandante nee informa, kondutor nee ho inisial AP, nomos CTBDS nuudar sasan nain, no sidadaun nain rua nee hatudu dokumentu Gia de Marsa tahan 2, maibe laos original ou kopia, nomos atestadu mediku tahan 1, husi suspeitu CTBDS, maibe taka deit ho nia naran.

“Laos dokumentu autentiku neebe hasai husi Sentru Integradu Jestaun Krize (SIJK), no dokumentu atestadu saude rezultadu swab tahan 1,” hatete nia.

Komandante Polisia Dili nee esplika, haree ba dokumentu falsu nee, ho nunee polisia halo kedas detensaun ba iha suspeitu nain 2, no mos prende dokumentus falsu neebe mak sira lori.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: