Sidadaun Xina Sai Arguidu

Sidadaun nain tolu husi Xina ho inisial, XZL, WY, LXP, sai arguidu ba krime Deskaminhu neebe previstu iha artigu 317 husi KP. (Foto Ilustrasaun)

DILI, STLNEWS.co – Sidadaun nain tolu husi Xina ho inisial, XZL, WY, LXP, sai arguidu ba krime Deskaminhu neebe previstu iha artigu 317 husi KP.

Audensia julgamentu ba kazu nee, tribunal adia hikas ba iha loron 6 fulan Novembro oras tuku 10:30, tanba juiz prosesu iha julgamentu seluk, neebe marka ona antes nee.

Iha sala julgamentu laran, juiz prosesu Maria Solana deklara katak, julgamentu nee adia ba loron seluk, tanba juiz sei tama julgamentu ba prosesu neebe marka antes ona.

Tanba nee MP defeza no arguidu sira mos aseita, hodi adia julgamentu nee ba iha loron seluk.

Tuir faktus katak, iha loron 29 fulan Junho 2019, autoridade sira husi Alfandega halo aprensaun ba sasan merkadoria sira neebe, importa husi nasaun Cina mai Timor Leste liu husi Porto Dili.

Sasan merkadoria sira nee bainhira to iha portu Dili nain ba kompania, la deklara ho lolos, ka la tau sasan sira nee iha invoice atu nunee selu taxa ba estadu.

Arguidu sira nia ben merkadoria sira nee, tau hamutuk deit iha kontiner ida.
Bainhira Alfandega halo ona inspesaun ba sasan merkadoria sira nee maka detekta katak, sasan merkadoria sira nee balu naran la tama iha invoice hodi selu taxa ba estadu, ho ida nee mak ekipa alfandega halo kedan aprensaun ba sasan sira nee.

Hafoin MP halo inkeritu arguidu sira deklara, hakarak selu fali sasan sira neebe antes nee naran la tama iha invoice, nunee arguidu sira kumpri no selu ona taxa ba estadu.

Tuir sistema ASYCUDA arguidu sira selu ona taxa ba estadu ho montante US$530,000.

Audensia julgamentu nee prezide husi juiz singular Maria Solana, MP reprezenta husi prokurador Amorojo Ranjel, arguidu sira hetan asistensia legal husi Advogadu Privadu no Defensora Publika.

Reportajen: Terezinha de Deus
Editora: Carme Ximenes

LEAVE A REPLY

Please enter your comment!
Please enter your name here